الصبح يزها كل شي(ن) بالاشراق
ويضفي على الدنيا حياة(ن) جديده
نور وحياة وحب وارزاق وفراق
ويروح ثم اقدار ربي تعيده
يوم(ن)بعد يوم(ن)على طول ينساق
فيما كتبه الله لكامل عبيده
احد(ن) تهياله مفاتيح الارزاق
واحد(ن)تكون ايام ضيقه شديده
واحد(ن) يحب الخير حب من الاعماق
متفائل(ن) دائم حياته سعيده
واحد(ن)كائب النفس محروق الاشواق
ماجتله الدنيا على مايريده
وراع الحسد و البغض ماهو بينطاق
مكروه عند اهل الخصال الحميده
والله كفيل العمر هو محص الارزاق
هذا ينقص وهذا يزيده
و العبره ان النفس للصبح تشتاق
واكثر طمعها بالحياه المجيده