انا السحاب اللي على شانك وقف
وانا العذاب اللي على شانك نزف
وانا مسافات التعب
وانت القمر والشمس
وانت النسيم اللي تنفسته صباح
وانت الهبوب اللي تغنابي مساء
شوقي على قربك رسى
لاتترك اشواقي تموت
من بعدها روحي تموت
واموت انا ..!
يااللي خذيت الروح وجروحي تنوح
سلم عليها وقلها كيف السهر اصبح طموح.؟
خذني معك لوكان حزني يتبعك
لاتترك احزاني على شاطيك
ارحل وانا برحل معك
انا معك حتى نهايات المطاف انا معك
انت الشتاء والصيف
وانت الخريف
يعني اكيد انت الربيع بضحكتي
هذا اذا مثلي ضحك .
انتي خذيتي الروح من روحي وماتت بسمتي
انتي خذيتي البوح من نوحي وضاقت دمعتي
انتي حياتي
والعمر يفداك
كل امنياتي
تستبيح رضاك
وانا تمنيتك فقط
ماابيك حرف ولا نقط
ابيك بحساسي تعيش
واضماك واشرب من ضماك كذب السراب
جيتك غلا خذني عتاب
خذني على كيفك
عيشني في طيفك
حتى ولوكذب ونفاق
فرقاك لايمكن يطاق .
العضو الأكثر نشاطاً هذا اليوم 
العرض الشجري
