وش قصيـده الامـاكـن وش قصـيـدة مذهـلـه

طـال صبـري وانتظـاري ماغـدا فـيني احتـمـال
وسـط قلبـي شـوق عـارم ماقـدرت اتحمـلـه


والله انـي مـن جنانـك صـار بـي مثـل الهبـال
صرت سلم في صلاتي قبل مقـرا البسملـه


وصار قلبي مثل ددسن والفرامـل بـه عطـال
لاتجـه ذكـره قداكـم صـعـب يمـسـك فرمـلـه


مادريـت العشـق انــه رمــح يفـتـك بالـرجـال
ومـادريـت ان المحـبـه تنفـجـر(( كالقنبـلـه))


كــل هــذا ونـحـن لـسـا عـادنـا بــاول مـقـال
كـيـف لانـحـنـا وصـلـنـا لكـتـمـال المسـئـلـه


كـيـف لانحـن التقيـنـا وجــه يابـنـت الـحـلال
احتفا رمشي برمشـك فـي غضـون مقابلـه


كل هذا من خيالك شوف وش سوى الخيال
صعـب اشـرح لـك شعـوري فـوق ماتتخيـلـه


بـس لحظـه ياحبيبـي بسـال امجـرد ســؤال؟؟
من سمح لـك ياحبيبـي قصـر قلبـي تدخلـه


وايش قصـدك ياحبيبـي هـل نويـت الاحتـلال
هـــل تـقــدر ياحبـيـبـي اي فـعـلـن تـفـعـلـه


والتـقـدم لــك صعـوبـه والـتـراجـع يسـتـحـال
وكيف برجـع والتراجـع فـي هواكـم مشكلـه


وكلمـا حاولـت ارجـع قـال لـي طيفـك تـعـال
وبين قلبي هو وعقلـي صـارت اكبـر معضلـه


تلـعـب الاريـــاح بـيــه باليـمـيـن وبالـشـمـال
وصـار قلبـي هـو دليلـي كـن قلبـي بوصـلـه


ويــن ماحلـيـت انـتــه يـتـجـه نـحــوك ومـــال
وصــار مابيـنـي وبيـنـك بــس مـقـدار انمـلـه


تـدري ان بينـي وبينـك بـس خطـواتـن قــلال
والهـدف قـدام عينـي بـس مـاقـدرت اوصـلـه


آآه يـاحـلـو الـمـبـاسـم آآه يــازيــن الـسـبــال
جـل مــن صــور جمـالـك بالـحـلاوه واجمـلـه


اه يـاضـبــي الــخــلاوي اه يــاريــم الــغـــزال
جـل مــن ابــدع صفـاتـه بالرشـاقـه واكمـلـه


تجتمع فيك الخصايـل واجتمـع فيـك الجمـال
بالصفـات المستحيلـه صـرت باعلـى منـزلـه


والله انـي لاجـل عينـك احمـل جبالـ(ن) ثـقـال
واي شـي يتعـب مزاجـك حـد منـه وازهـلـه


ووالله اني لاجل عينك ارتجل شعري ارتجـال
والقوافـي لاجـل عيـنـك تتـجـه لــك هـرولـه


نظم شعري لاجل عينك اجعلـه صافـي زلال
لاطــرا طـاريــك جـتـنـي مـفـرداتـك هـجـولـه


ليتهـم فـي شاعـر المليـون يعطونـي مجـال
والله انـي لادخـل المسـرح بشـعـري زلـزلـه


بالـسـيـوف وبالـبـنـادق وبـالـرمـاح وبالـنـبـال
وكـل شاعـر لاجـل عينـك بالقوافـي جنـدلـه


والقصايد لاجل عينـك برتسـل فيهـا ارتسـال
وش قصيـده الامـاكـن وش قصـيـدة مذهـلـه


يجهلو شعري وشعري فيك يضـرب بـه مثـال
بالبلاغه والسلاسه شوف شعـري مسهلـه


كل يـوم ابـدع قصيـده وكـل يـوم انظـم قـوال
وانتقـل فــي كــل يـومـ(ن) لا اعـالـي مرحـلـه


الحديد الصلـب لاجلـك اصهـره يرجـع مسـال
والجـبـال الـصـم لاجـلـك رد عاليـهـا اسفـلـه


عـلـمـي نـــزار عـنــي والمهـلـهـل بالـقـتـال
انـنـي لاجـلـك اقـاتـل كــل فـــارس واقـتـلـه


وعلمـي ضيـدان عنـي هـو وابـو زيـد الهـلال
انـنـي داخــل عيـونـك صــرت راعـــي لـولــه