ماهقيت ان الغلا في البعد ذاب
احسب ان البعد بين لك غلاي
****
اسمعيني قبل تجريح العتاب
يمكن ظروفي تبررلك جفاي
يعلم الله ما تعمدت الغياب
لكن الأيام ما جتني بهواي
****
انشدي احساسك يدلك للصواب
كنت احس انك رغم بعدك معاي
ماتصور بيننا لحظة حساب
لا تزيدين العنا يكفي عناي
الطريق من الظما مثل السراب
ما تحملني ولا قدر ظماي
****
لو يشح الوبل وش ذنب السحاب
وانتي ادراى يا عيوني يا سماي
اذكرك والشوق في مثلك عذاب
واعتذرلك في غيابك عن خطاي
ماهقيت ان الغلا في البعد ذاب
احسب ان البعد بين لك غلاي
العرض الشجري
