السلام عليكم
عطيب هذا طيري بيني وبينه غلا وعشره ومبيض وجهي في هداده
ثمان سنين انا وياه خويا بس مات الله يخلف <<<< هنا ايقونه حزينه
علمو شرد الحباري عن عطيب=لا تلوبد برجوم ولا تحبري بالقشوع
ولا ترها بطيار ولا تجيب بطن الشعيب=علموها تعتلي روس الفروع
والله انه كن في كبدي لهيب=هقوتي تلحق عليه يالربوع
الوكاد الشمس زلت للمغيب=قدرت الله مالنا غير الخضوع
يالله اني طالبك وانت المجيب=يالله اني طالبك وانت الفزوع
دله اللي حس في قلبه قنيب=موت طيره موجعن دق الضلوع
والله ان الزاد من عقبه غبيب=والعيون ارهت عليا بالدموع
من يجيب العلم قلي من يجيب=لا غدى للخرب فالعليا طلوع
ياعطيب اليوم في قلبي دبيب=مير دوك العلم من قلبن جزوع
لو يطيب الوقت قلبي مايطيب=اشهد ان الوقت ياقلبي خدوع