يستاهل احساسك

مما
رآق لي

الجو جميل .. اليوم ..
يستاهل إحساسك
غيم و رذاذ ناعم
صبّي الندى بكاسك !
خلي ربيع الارض

و شال السما . . راسك !
امتدي طول الكون ..
امتدي عرض الكون .. !


توزعـــي
صيــري


فـ كل شي حولك ..
نبض
و ,, صفا
و ,, عيــــون
خلي ق ـــزح ريشه . .
و الدنيا كراسك !!



على هوى جنونك ..
و فوضاك
و هوجاسك !


خلي خيوط الشمس ..
و اللي نفذت غفله . . من بين هذا الغيم
خليها لون أزرق !
و خلي السحاب أخضـــر !
و لون المطر أورنـــج !
و ثوب الشجر وردي !
و بنفسجي فاتح ,, لون الغصون !


و الناس . . . .
ممكن تكون حمــرا !
ممكن تكون صفـــــــــرا !
ممكن تكون آ آ آ ي لون
اختاري لون ناسك !!!


اليوم انتي الكل
و الكل فيك انتي ،،،


اليوم كنه جاي .. قدك ..
على قياسك !!


خلي الجنون اللي فـ داخلك ينطق
صبي البحر فـ البر !
و سمي المواني شيح !
خلي نجوم الليل
على الدروب تطيح ،،،
و تنبت على الاسفلت !!



و فوق فـ السما ... رشي ياقوتك و ماسك
و لمي اللي متبعثر
او بعثريه اللي .. تشوفينه متماسك !!

و اغريه بانفاسك !


ولا أقول لك شي ؟؟
ليـــش ما تجين يمي . .
نحضن سوا غيمه
نبلل عواطفنا ،،،
و ننثر ورود حمرا ..
و قلبي يبي قلبك
كل ما الرذاذ باسك !


تعــــالي .. تعــــالي
نعتق جمال هذا الصبح
في كاسي و بكاسك
و نشرب طوااااال اليوم
من ماي نشوتنا . .
مع هالمطر ..
. . و الغيـــم
. . و احساسي ..
. . و احساسك !!