. . - أيه أحبك ! - . .

لو يضيق الوقت والدنيا تشين
وشمسنا تشرق علينا من شمال

ولو يطوف العمر ايام وسنين
ما تغير حبي لك يأبن الحلال !

ايه احبك والهوى فيني دفين
واعشقك والله هجران وصال

ايه احبك ايه احبك مرتين
مرة للود واخرى للدلال

دامك اللي بالقسى عيى يلين
مخلص دايم ولافيها مجال

الوفى طبعك وبك دايم يزين
شعر مجنونك ويصبح عال عال

منهو غيرك فسر اسرار الحنين ؟
ومنهو غير امتلك قلبي وطال ؟

ومنهو غيرك بدل ادروب الانين ؟
في دروب نورت كل الليال

وانتشى قلبي لذاك الحب لين
اختلط حلوى الحقيقه بالخيال

واصبح الخفاق في حبك رهين
والحنيا العوج لك بيت وظلال

والله اني عاشقك والعشق دين
ولا أستمع بك عاذل كذب وقال

ووالله اني ما وهبت الروح دين
العطا وارث من عم وخال

-

-

للشاعر الرائع :
فيصل العدواني ..

لـ أرواحكُم ..