أنا بخير

طمّني انا بخير
وشلون احوالك؟!
قللي ..عساك بخير؟!
مدري إذا تسأل ..
عن حالي ولاّ لا
لكني..آنا.. بخير!
.........
.....
........
الشمس مخنوقه
وباقي النجوم سودا..
والعتمه تملى الروح
وآمالنا تمسي ..
تصبح .. تصير جروح
ولابقى بالقلب ..
حالي ولامملوح
والخطوه محتاره ..
ماتدري وين تروح
واصواتنا خرسا
نموت قبل ما نبوح
ولو بحنا .. وش بيصير؟!
لكن.. انا بخير!
.....
.....
بعض الظنون آثام
وبعض الرجا.. أوهام
وتشابهت فينا..
الفرحه والآلام
لكن أظن الجاي
من عُمرنا ..مسروق
ومن نومنا مسروق..
الغفوه والأحلام.
تحت الوسايد.. دم
فوق الوسايد ..همّ
وطير الفجر ماهدّ
منتوف فيه الريش
شلون تبيه يطير؟!
لكن ..أنا بخير!
...

" في قلبي
يتعذب السؤال
خايف على الأطفال
ما أدري راح يلقون..
باكر.. بقايا ماي
في قلب هالصحرا
ولاّ قدَرهُم بس
منا العطش واللال؟!
ما أدري
بيلقون لهم كراس؟!
وشمس ..ودفا..وظلال ؟!
بيلقون لهم أحلام خضرا..وفضا..
وموال؟!
يوم يكبرون باكر..
بتتعدل الأحوال؟!
ويتعدّل اللي في ..
حاضرنا هذا مال ؟!
خايف على الأطفال..
أطفالنا واطفالهم

من هازمان الصعب
وفيه الليالي طوال
ماتبشِّر بتغيير!
لكن انا بخير..
أنا ..أموت بخير!!!

أعجبتني