وش ذكرك بأمر طواه الحدادي

[poem=font="simplified arabic,6,black,bold,normal" bkcolor="transparent" bkimage="backgrounds/27.gif" border="ridge,6,orange" type=2 line=0 align=center use=sp num="0,black""]

ياللي على ظلعان حاتم تنادي=وتزهم يمين جبال سلمى ويسراه
ترجي خصال اهل النقى والسدادي=اللي بوقت جدودنا طال مبناه
وطبوع اهلنا في عصور البجادي=يوم العرب تفخر بطبعه ومرباه
وش ذكرك بأمر طواه الحدادي=وطبع برشاش الحضاره قتلناه
علمي بها اقفت مع سباريت وادي=في حفرة ماياصل الحضف ظلماه
غابت شموسه في ركون البلادي=وما باقي ياكود صيته وذكراه
هلت مزونه في وقوت المهادي=وجفت على كون الجميما شغاياه
وجتنا طبوع اهل الطرب والنوادي=وعشنا ورى كذب وهوان ودعاياه
واللي يراجي طبع الاجداد غادي=ومازال في ضيعة زمانه وعمياه
وعصر الحضاره بالاساس اقتصادي=وما للمبادي فيه قصر ومناراه
ونقل الهوان وذلة النفس عادي=ونيل الهدف ياتي بعدة مساراه
والكذب يصنع فيه رجل قيادي=لو ساق ميثاق المواعيد وألغاه
ودشرة بنات البيت بين السرادي=ماراح ينقص خصلة من مزاياه
وطاحت سلوم الطيب وسط المزادي=وكلن دفع لاجل الدنانير غاراه
لما وقع حيلي وضاع اجتهادي=مع عالم هرجه يخالف نواياه
شفنا هروج الكذب مثل الهوادي=وكلن يحارب لاجل قوله ودعواه
حتى تحط اهل الردى والسوادي=شيخ عزيز تدفق السمن يمناه
وهو عايش بين المره والوسادي=وذيل لطابور الخصوم وسراياه
ورفضي سبايب ضيقتي واضطهادي=وقذفي بهرج ضاع نصه ومنشاه
والزمل مايرميه لسع القرادي=لاشك يفتح له مغثه وماذاه
ولو عشت فيهم مثل داب الجرادي=مابين نيران القوايل ورمضاه
مازال يقدح بالشدايد زنادي=من دون شيكات اللصوص وهداياه
لو قيل مايملك مكان ريادي=ويقضي بوسط البيت صيفه ومشتاه
امسيت افضل عزلتي وابتعادي=عن سكة مايطرب الشهم ممشاه
ولو كنت اريد التمر قبل الجدادي=جتنا العروض من الهتول ورفضناه
واللي تبع راع الحلال استفادي=يبي الطمع لو باع دينه ودنياه
ولولا طروق الغطرسه والعنادي=الناس تفرق خيلها عن مطاياه
وتفهم نصيب الفرد وقت الحصادي=ولا تختلف باللي خذا المجد واعطاه
وقبل نتوادع وانغمس في رقادي=وكلن يلاقي بالمخاليق شرواه
اعطيك بيت داج كل البوادي=يغنيك عن ريف الخلايق ومفلاه
الناس يطلع به خطات الولادي=وان قيل شلقان تخير من ادناه
ارساه سامح بالوعر والحمادي=وتلقى لابن مسطح دلايل وشاراه
يثبت دياوين العلوم الوكادي=في لهجة ماتجهل الناس معناه
ودامك هلالي والمدير اتحادي=طاح الحكم مابين صدقه ومجلاه
لازم يحطه للبشر سندبادي=او راح يقلع بالمشاوير مصغاه
[/poem]