قالت الجارة:
وينِك ياختي ما جيتينا <> ومن زمان ما قهويتينا
عسـى منتي نسيتينا <> او زوجك مجاز وقاعد
قالت زوجة المتقاعد:
أبداً ما نسيتك ياختي <> لكـن صعيبه مشكلتي
واكبـر مما توقعتي <> زوجي من شغله تقاعد
وصاير رئيسٍ في المنزل <> وكلامه أبداً ما ينزل
وعلا أتفه حاجه يستنزل <> وبلشنا به هالمتقاعد
إن ناداني جيته أجري <> ورميت ولدي من حجري
ولو أتأخر مدري إشيجري <> زوجي غيره التقاعد
ردت الجارة:
ياختي وش هاللي تقولينه <> هذا شيئٍ ما تطيقينه
زوجك طاقاته دفينه <> وشلون يعطونه التقاعد
ترى التقاعد للشايب <> او الشباب اللي عايب
أما هذولى مصايب <> تفنى المره وهو قاعد
لكن استغلي وجوده <> وخلي في المطبخ مجهوده
زوجي إذا عطل أقوده <> ويساعدني لو هو قاعد
مره يخرط لي ملوخية <> ومره يغسل لي الزوليه
ولو يرفع صوته عليه <> إلى غرفتي ماهو صاعد
أنا أغسل وهو يكوي <> وأنا أتبل وهو يشـوي
وكل ما أطلب منه يشري <> وإنتي خلي زوجك يساعد
ردت زوجة المتقاعد:
أنا حظي يختي مايل <> والا شبي بهل حايل
لابس لي عقاله مايل <> ويهدد ني به ويواعد
لا قال لي يابعد حيي <> وش نوحك يفقدني وعيي
والخوف في أوصالي يسري <> وشلون تبينه يساعد
مابـيه يساعد بالمرة <> من خــيره كفاية شـره
ليتي أسلم من المضرة <> ومن طلباته هالمتقـاعد
تقاعد وتفضّــى لي <> واشغلني واشغل عيـالي
وبعض أفعاله ما تنقالي <> وينتصف الليل وهو قاعد
مدري وش معنى زي تايم <> يهددني به وهو نايم
وأحلامه في العمل دايم <> وكن رئيسه عنده قاعد
قال لي مره وهو صايل <> عندي لك ميمو تو فايل
وقمت احايل فيه محايل <> وانا مدري وش هو قاصد
مره صاح شبّت حريقه <> ورحنا نركض للحـديقة
واثره وهمي مو حقيقه <> طيّر عقـلي هالمتقـاعد
ومره خذني للهلدي إن <> وسـوا لي حفله اتجـنن
اثره يسوي له ادراي رن <>ويبي يعرس هالمتقـاعد
ذبحني بالبيتي كاش <> حتى بغيت عنه انحـاش
أفلس و ما عاد فيه عراش <> وعلى الراتب يتراعد
طلباتي في ابلكيشن <> مدعومه بالجستفيكيشن
والله هذي خربطيشن <> و ما عرفنا للمتقاعد
والزبده كثرت حركاته <> وقلت دراهم مخباته
ليته جلس في مصفاته <> وما قدم على التقاعد
تحياتي لكم اخوكم العاشق