حضرت اليوم في حفل الضياغم

بسم الله الرحمن الرحيم
الشاعر \ مشعل عسام التريباني الشمري
((حضرت اليوم))في1\3\1434هـ

[poem=font="simplified arabic,7,black,bold,normal" bkcolor="white" bkimage="" border="double,9,black" type=2 line=0 align=center use=ex num="0,black""]
حضرت اليوم في حفل الضياغم=اشارك بالفــرح ربعٍ حشامـا

اشاركهم وازف اجمل تهانــــــي=هنيئا يـا رفيعيـــن المقـامــــــا

ابا اكتب لابو عبد الله واهنــــــي=و اشوف انه علي امرٍ لزامـــا

هنيئـا يالحــرار الصيــر ميــــــه=هنيئـــا يامرويــــن الحسامــــا

هنيئـــا يا مقابيــــــس المنايــــــا=سلايل من يردون الجهامــــــا

حرارٍ من حــرارٍ من نــــوادر=لهم سهمن مع كبار السهامـــــا

لهم تاريخ فــي شبه الجزيــــــره=بنوبه صرح عزٍ مايرامـــــــا

بنوفيها صروحـــن كالرواســــي=وتاريخٍ مسجــــل للانامـــــــا

بنوبه صرح باسم اخوان نـــوره=وحد السيف قصاص العظامـــا

كتب فوقه كلام اهــل المفاخـــر=نردالخصم في وقت الخصاما

مزخـــرف بسم زيزوم السرايـا=عدو الخوف مدباس العسامـــا

عليه حروف سجل محتواهـــــا=ترا الخواف يغشـــاه الملامــــا

صعدنا فوق بحبالٍ قويــــــه=وتعلينا علـــى راس السنامـــــا

عيّنت البيه يوم ارسل رســـوله=بغا المهــــــــره وعوّد بانهزاما

اخــــو رثعه عليه اقســـــم بربه=بان كــــــروش ماعطيها دواما

يقول كـــــــروش قبلك كد طلبها=بن هـــــادي وفيصل قلت لاما

عليها البيع يحـــــــــرم والعطيه=احيـــــطك علم مابعـــده كـلاما

مدامـــي حـــــي مايفارق سواده=ياما نفســـــــي يوافيه الصراما

ترا يا البيه مــــن يطلب جوادي=مــــاابيعه له كذا برد وســــلاما

مابيعه غير فـــي يومن عبوسٍ=يشــــــيب الطفل به قبل الفطاما

ترا العطشـــان مايسقيه غيـــره=ولو يسقيه مشـروبــه حرامــــا

وشهد له با الفعل روس القبايـل=مثل راكان يوم ارسل سلامــــا

ذلولٍ مرسله تحمــل رسالـــــه=لاخو نوره تحيــه واحــترامــــا

بدابه وانتهابه بـــــا الرسالـــــه=قبل خالـــه وقــــدام العمــامـــــا

وبن هندي ذكرفعل الجنـــــازه=يقول عن الف فارس بـا التمامــا

حشــــــا لله مــــا مـــــثله رائينا=ولامثله ولد لبــس الحــــــــــزاما

ولوبا المعركه فيه الف فارس=جـــــردهم لين خـــــلاهم حطاما

ولوياتي زيادة كم فـــــــــــارس=تعود جموعهم شـــــــتا ســـــقاما

بغــــــيرقصورفـــــي كل القبايل=يصدون العدا شـــــــرقٍ وشاما

يوم الخوف وايـــام المغــــازي=وقبل الدار يحكمهـــا الامامــــــــا

وعقب حكمه توحدنا وصرنـــا=جسد واحد وراح الانتقـــامـــــــــا

من الغربي اليا شرق الجزيـره=لياحـــد الشمـــال اليــا تهامـــــــــا

وهذا اليوم يحكمهــــاابو متعب=سخـــي الكـــف مداته جسامـــــــا

رعاه الله ابو متعب ملكنـــا=ابو كفٍ مسح دمـــع اليتامــــــا

عسالله يحفظه ويمـــد عمــــره=صليب الـــــراس للعايل كعامــــا

ملكنا اللي غمرنا فــي حنانـــه=نجدد لـــــه ولانــا كل عامـــــــــا

رعاك الله ياصقــر العروبــــه=رقدنــا وانت عينـــك ماتنامــــــــا

ملك عادل ومداتـــك جزيلــــه=عطيت الشعب وازداد التحامــــــا

وصلى الله على سيد البريــــه=عليه افضل صــــلاتــي والسـلاما

نبيٍ كلـّفـــه رب البريــــــه=يبلـّغ عنــــه دينــه بــانتظامـــــــــا[/poem]