فاضت عيون السماء من هـ الحنين

صباح الورد

مُصافحة بعد طول غياب

........

المسافه
اقسى ما يطري وبال البال ساهي
وأكثر الأشياء مخافه
لا غدت كلمه تحاشها الصدور
وتاخذ البال وتدور
تاخذ البال وتدوور
تاخذ البال وتدوور
وتكبر اكبر من حسافه
وتوجع أوجع من كسور
فاضت عيون السماء من هـ الحنين
وكف نادي
وحلم لكن حلم غادي
وطعم ذاقته السنين
يا كثر ما مرّت ايامي بعيوني
ناس واجد
يا كثر ما صرت احس بقلّبي
بين ضلوعي ساجد
واتركه منّه لربّه
واسمعه : يا رب احبّه
ويبكي شوي ويناااام
ويا وجع نوم الحزين
لا درى ب إن احد شافه !!



هات من الآخر حبيبي !

تعبت اعيشك من وهم
تعبت اقول :
ان الزمن لو خان
تبقالي : اهم !
ما تبتعد .. ولا تخون
وتصير لي الصدر الحنون
وإن انكر الحسّاد طيبي
تضمّني حيل وتقول :
خل هالدنيا لهم .!
بس الأكيد اني تعبت
ملّيت حتى من الكلام
فهّمت قلبك كم مرّه
بس يا حسافه .. ما فهم ..!
وانت غالي
والمكان اللي جمعنا .. ما يبالي
والليالي سيف يجرح
وأول جروحه سؤالي
وش يهمّه ؟
لو نسيناه ومشينا
غيرنا ممكن يلمّه :
لا بدى خاطره يسرح
وقلبه من الشوق خالي ..!!
قلّي بس
شلّي بقابي
لا طلبته ما عطيتك ..
ما بقى الا غيابي
لو بتطريه احتريتك !
والمشاعر من خذاها
او عيونك من ملاها
والصبر انفاس تحرق
كل ما التفتت وراها
وطاح من طوله .. عتابي .!
انت كلّك فيني ساكن
بس انا ساكن بقربك
ما شربتك شوق لكن
كنت بضلوعي اشبّك
كل ما تغفي بعيني
هزّك الرمش ويديني
ما ابي لحظه تنام
وانا منتظرك تجيني
تحكي عن حبي وحبّك ..!
.
.


المسافه
مثل من يتلمّس اطراف الحياة
والعمى هدّد كفافه !
.........


لآمست احساسي و اتمنى ان ترتقي لذائقتكم

دمتم كماتُحبون