ياعيون الشوق تيهي واذكري امسي القريب
واحمليني عند غيمه ابتدا فيها المطر
برقب دموع السحايب دامي بجفونه قريب
ودي اسكن داخل غيمه بكل ديمه انحدر
اسرح بفكري دقايق وعني الدنيا تغيب
بالتعلي ناظري لكل هالعالم صغر
خيم الليل بسواده ونامت عيون الرقيب
وكل نجم يضم كفي يترك اشواقه اثر
واتسائل واتحري عن وعد مافيه ريب
يلتقي فيه الحياري والهوى يامر امر
مو صدق ان القلوب بتموت لاجاها شيب
القمر ضيه جميل وجوفه مليان حفر
ياخيال في زمان فيها ازهار العطيب
من يشمك يسبق الازمان ويزيح الكدر
يافجر حياك.. لحظه ما افكر ما اهيب
واكتب احساسي شروق من بدايات السحر
يجلي هموم المعني وكل جرح به يطيب
الفرح بغصون قلبك صدق وان ماله عمر
غيمتي كل الفصول فيها ظني مايخيب
رحلتي فيها قصيده يقراها لي القمر ..
..............
منقول ..
اتمنا انها تعجبكــــــــم ..