لقيت جاري حارسن جمة البير

كان العرب فلى مواردهم يقدمون المســافرين والجيران وضيوف القبيلة على انفسـهم عند ورود أدباشـهم ومواشــيهم على العدود وموارد المياه خصوصا عند شــحها وعندما يكون الوقت صيفــا .

وكان بطل قصتنا هو مقعـد بن عضيدان المحلســي من واصل من بريه من قبيلة مطير الذي ســكن بالقرب منه ســمير السـيحاني العتيبي وهو على مورد الدجاني من موارد مطيـر ,وكان الوقت صيفا ملتهبا ومياه العد قد لاتفي بســقيا القاطنين عليه من أفراد القبيلة الا ان المطيري الشــهم أثر على نفســه وربعه مياه القليب لجــاره وقام بحــراســتها كي يســقي جاره ثم يرتوي الأخــرون .

وذات يوم والمطيري نائما على نثيلة البير من أجل حراســتها لجاره ورد العتيبي ليســقي ابله فوجد جـاره يحــرس البير له وظن انه يحرســها منه.

فأنشـــد يقــول




[poem=font="Simplified Arabic,6,black,bold,normal" bkcolor="transparent" bkimage="backgrounds/27.gif" border="ridge,6,orange" type=2 line=0 align=center use=sp num="0,black"]

لقيت جاري حارس جمة الـبـيـر=لا واهـلاكي كـان جاري حـداني
تجملوا ياأهل الوجيه المسافــيـر=حنا حدانا الوقت من هاالزماني
لابد ما نـقـفـي ونـذكـرك بالخـيــر=وكل ذكر ما شاف سر وعلاني
نـرعى بـقـطـعـان تـقـز المـقـاهـيـر=ترعى مشاهيها بليـا عوانـي
من النجج لابد نـشـمـخ على الـنـيـر=على النظا ومكظمات العنانـي [/poem]



فقام مقعد ورد عليه مباشرة بقصيدة يظهر فيها حبه لجاره وان ذلك منامه حول القليب عادته لحراستها لجاره وليس لحراستها عنه وأوضح صدق الأخاء والمودة التي يمتاز بها مقعد وأفراد قبيلته مطير وحسن وفادتهم لجيرانهم وعوانيهم .

فأنشــــد يقــول:



[poem=font="Simplified Arabic,6,black,bold,normal" bkcolor="transparent" bkimage="backgrounds/27.gif" border="ridge,6,orange" type=2 line=0 align=center use=sp num="0,black"]
ياسمير ماني حارس جمـة البــيـر=ذا مرقدي ياسمير من هالزمانـي
ذا مرقدي وانته ورى كبش والنير=براس النثيله صرت سر وبـيـاني
ماهــمـني ياسـمـيـر زيـن الغناديـر=ولا وّلعــــنـي جاليـات الثـمـانـي
ابشر بـدراجن وزيـن النواعيـر=وابا انـفـهـق ياسمير واقـعــد مكانـي
ثم ابتهج والها علـى الله تعابيـر=ولاتـشـتـحن ياسمير فـوق الدجانـي
عاداتـنـا نسقي ركـاب الخـطاطـيـر=ليا تّرّك الماجــوب خطـو الهدانـي
ترى الخـوي والجـار نعـطـيه تقديـر=يـقـدم علـى عـرباننـا مـا يهانـي
كانـك تمانـيـنـا بــكـبـشـان والـنـيـر=حـنـّا لنا الصّمـان زيـن المثانـي
الى اخـتـلـط فيه الـنـفــل والنواويـر=وفيه ام سالـم تّـدرج بالغوانـي
تّــرتـع بـقـطـعـان تـبّـذ المــقـاهـيـر=ونحـمـي طوارفهـا بحـد السنانـي
وعاداتــنـا ياسـمـيـر نطـح الطـوابيـر=من فوق سرد مكظمـات العنانـي
وانشد وتخبرك العوارف عن مطير=فاللي مضى واليوم شوف العيانـي [/poem]