أشعار عشوق ومزيون ( وسالفة فواز الغسلان هـو وحورية ) والفرس شادن

[align=center]


يالله حيهم

شلون الوغدان


شلونك فواز

شلون وغدانك

الى الحين وانت بزعمك مزيون

ههههههههههههههههههههههههههههه

يالربع البارح ماجاني نوم ابد ابد

المهم بعد كم قلبة على الفراش وكم طيحة من السرير خخخخخخخخخخخخخخخخخخخخخ

نمت ابشركم >> حمدلله على السلامه

وانا أحلم حلم الله يستر يضحك ويبكي وكل شي

ناقصه منتج بس ويعرضونه برمضان

حلمت اني ماشي انا وطير شلوى مزيون حايل بعد سبدي هالفره ياعله عقب فرة بعض الناس اللي بس يتمسمس عند البنات

المهم وحنى ماشين وكل واحد حاط يده على ( غارب صديقه ) الغارب هو مقفى الراس يعني اللي تقل مرجيحه ورى راسك خخخخخخخخخخخخخخخخخخخخ

اصلح مدرس والله ..

وحنى نمشي وحنى نطلع فوق راس ضلع صغير ماهو كبير قالي مزيون رح ياعويشق صد لنا طيور ولاأرانب جيعانين ذابحن الجوع واذا مالقيت مر الشطيره وجب أكل >> قوية وربي

المهم قبل ماأمشي سمعت مزيون يقصد بينه وبين نفسه

يقول الحلا والطرا :[/align]

[poem=font="Simplified Arabic,5,black,normal,normal" bkcolor="transparent" bkimage="backgrounds/27.gif" border="none,4,gray" type=0 line=0 align=center use=ex num="0,black"]
هيه يازمن انكرت الأجاويد = حتى المشافيح ماسلمت منا
هيه وانا المزيون وابن الأواليد = خصيم فواز يوم هج عنا
عشيري اللي يكسر راس المقاريد = هذاك عشوق عن الوعد ماتخالفنا[/poem]

[align=center]اييييييييييييييييه وتقمز دمعت عويشق برفق وتتليها بعض الدميعات ذات الحجم الكبير ويملؤها الحزن اللي ماله سنع بس سمع هالقصيده وبتسى ههههههههههههههههههه

المهم وأنا اصيد لي كم أرنب وكم طير كح كح وانا انسفهن على غاربي ( عوايد الشجعان والفرسان ) ;) وانا اجي مروح على مزيون وراكب فرسي اللي مسميه ( شادن ) ..

وانا بالطريق وانا اصادف بنت تخرع الذيابه تقطع التسبد والبطن من الخرعه اللي بوجهه ويوم شافتن وهي تطيح بالبير اللي تروي منه الماء وانا اوقف بأقرب موقف واطفي الفرس شادن .. وانا اويق عليه من البير . قلت وش بلاتس طحتي قالت والله من الزين والحلا بهالشدوق اللي ماهن شدوق فواز الغسلان وشنباته هههههههههههههههه

البنت اللي طاحت بالقليب ( حورية حائل ) المهم طلعته من البير وركبته معي بالفرس ودقيت سلف ومشيت للطربه مزيون .. >> توك تدري

يوم شافن من بعيد ومعي الطرايد والبنت حورية ..[/align]قال :

[poem=font="Simplified Arabic,5,black,normal,normal" bkcolor="transparent" bkimage="backgrounds/27.gif" border="none,4,gray" type=0 line=0 align=center use=ex num="0,black"]
أقبلت ياللي عليك الوله زاد = ابطيت عني ياجعل ربي يخليك
هقوتي ماتغيرت يالفارس الصياد = ياعل البلاوي عن طريقك تجافيك[/poem]


[align=center]المهم ربطنا حورية بله رضمة وتركنا عنده رجل ارنب وكراع طير عشان مايذبحه الجوع

وكل واحد ركب فرسه ومشينا ..
قال مزيون فيه واحد يلحقنا من ورى وراكب حصان والرجال بين انه يبينا قلت له طيب دق اشارة يمين خخخخخخخخخخخخـ

قصدي قلت له نشوف وش يبي
الا هذا فواز الغسلان

ودار هالحوار بيني وبينه :

عشوق : وش بغيت ياوجه النكبه
فواز : ابي هالجرباء اللي معكم وينه
مزيون : خخخخخخخخـ تقصد كديش حايل
فواز : اللي هي بس وينه الحين ؟
عشوق : والله ربطته عند جحر ضب غدي يجيه ضب ويحسن عليه ولا ياكله بعد هههههههههههههه
فواز : هين وانا ابو فهد ماأكون انا المملوح ان ماخذيت حقي
مزيون : نزل بسرعه يبي يجدع فواز من الفرس لكن فواز اثريه عشق بواحد وحط رجله
عشوق : عين خير يالطخمه اصلا انت ماتنزل نفسك لفواز ولا للجرباء ..
وانا اطق شادن برجلي ومشينا .. طبعاً فرسي شادن تتميز بالزين والحلا والملاحه الزايده وسريعه مايسبقه احد ;)

المهم وحنى نمشي وسبحان الله اختفى المزيون واختفت شادن وكل شي .. والوقت ليل والدنيا موحشه .. وأنا اشب ناري .. وازين المهيلة اللي تعدل راس المزايين مثلي ..

وانا اغفي شوي على جنب النار مادريت الا الوالده تقعدن من النوم تقول : قم قم قام عصبك شف السحور بالمجلس برد وانت نيم .. وانا اقمز قلت وين شادن وين فواز الغسلان وين مزيون والحورية وانا التفت وراي الا اللاب توب طايح ومفتوح على قسم الفرفشه خخخخخخخخـ وانا اكتب لكم خرابيطي .. المشكله خلص الحلم ولا ناوي نية شينة على الأشهب فواز

ورمضان كريم [/align]