المورقي نهار(ورقه بخط جدي فهد)

[align=center]


كنت البارحه اتصفح اوراق قديمه لجدي الراوي والشاعر فهد الغسلان والتي كتبها بخط يده وبالرغم من عدم وضوح

كتابته رحمه الله الا اني استطيع قرائتها انا لكوني اعلم مالذي يقصده بحروفه رحمه الله فوجدت قصيده طريفه جدا

وقديمه لشخص من اهل الجنوب اسمه المورقي نهار000

ومضمونها انه عاشق بنت ولكن عربها رحلوا فجأه فقام يمشي وراهم قليلا فوق ظلعان قريبه منهم (حاذه-المجادير-

المعاني) طبعا هذي اسماء الحزوم اللي يرقى عليهن يراعي لظعونهم وهن رحيل000

فيوم تأكد انهم راحوا وهو يقوم يدعي على اللي اشار عليهم بالرحيل(يبرد كبده)وكانت دعوته قشرا لانه دعى عليه

انه يطيح بقليب ومايدرون فيه الا بعد ساعه واذا سحبوه بالحبل وطلع لقوا رجله مكسوره من الركبه للكعب واذا بغوا

يشيلونه لاهله مايلقون الا قعود ماهو معسوف ويقعد القعود يركض به ويداحم الشجر والشوك به(يبي يحسر به) يعني

لو يموت اريح له من هالحاله فيقول المورقي:[/align]



[poem=font="Simplified Arabic,6,black,bold,normal" bkcolor="transparent" bkimage="backgrounds/27.gif" border="ridge,6,orange" type=2 line=0 align=center use=sp num="0,black"]
يقـول الـمـورقي نهار مـع روس الحـيـود اواق=معدي فوق حاذه والمعاني والمجاديرا
اشوف المال يحـدى والـركـايـب للـزهاب تساق=مسافيرن لكم ياللي تريدون المحاديرا
عسى من شار بالفـرقـاء يقـع في جمة المغراق=ياخذ مقـدار ساعـه لاحبال ولاحواديرا
فليا من جره الساحب صرخ واوذاه كسر الساق=من الركبه الى حد القدم غادي شعاثيرا
واذا جـروه جابوا له من الزمل ازرقـن صعـفـاق=يصف يديه بالممشى وياخذ به مشاويرا
حسوسن بالشجر والياسقته بالرسن ماانساق=جنوبه من غصون الطلح غادياتن حزاويرا[/poem]


ياربي ياهو نغول بهالدعوه لدرجة اني صابتن رعده من الخرعه عسى الله يفكنا حنا وغويشنا من هالدعوه ويفك

عيالنا وبناتنا بالمنتدى الا منذر واقيشر حايل0000