قسم بالله كأنك أمس ذابحني

/
/



تصدق .!!
توني أدري بإنك كنـت تغليهـا !!
غشيمه و الله يـا قلبـي لأنـي تونـي أدري
هوى ديار الهوى بشعرك و اثرها ساكنه فيهـا
بربك توني ألحظ ؟!
ألا يا فرحتي .. بـدري !
يا عمري فرق بين إنّك تحـب روحٍ و تغليهـا
و بين إني على قلبك فرضت الروح يا عمـري
عزاي .. إنَّه جهل مني و حق إللـي محلّيهـا بعينك
ما دريت ابهـا و لا بـودادك العـذري
صحيح إني نويت أرحل عن ادروبك و أخليهـا
و لكني شعرت اني خطيت و جبت لك عذري !!



كثر التعب متملله ..



ضايق خفوقي حيل


هد التعب حيلي و انا ما عاد فيني حيل


وين انت ؟؟ ليه اشتاق لك ؟؟!!


ليه أشعر إن الصبح من دونك كأنه ليل ؟!


ليتك تجي ..


نفسي أشوف الشمس قبل ارقد ..


و أشمّـك هيل




و انا هالمرّه أترجى عيونك جد ..


إذا فاض الوله و أرهق صدودي .. صِـد ..!!


بجي لك .. و أدري بقلبي كثير رجوع


بيتعبني و انا ما عدت حمل دموع


و أبرجع ..


بس دخيل اللللللللللله لو جيتك


تناسى إنّي بكبر الأرض حبيتك


ترى بعض الظروف تحد

دخيل الله حبيبي .. صد ..!!



لو تظن الصمـت قاسي
إعرف إن البوح أقسـى
لن مثلي لو يموت بحسرته
لا
ما يبوح
لو يصير البعد بحرك والجرح لي فيه مرسى
مستحيل بكلمةٍ ( لوعه ) أطبب هالجروح



أموت من التعب لا جيت أعبّر


و اختنق صوتي


يغرر بي الحكي


.. لين انطقه ..


يشرق و يتعثر


يطاوعني على شرح الشقا ؟!


و الا على موتي ؟!


خسرتك ..


ما غدت تفرق ..


انا أشهد طاوَع و كثّر !!



شف عام عدّى على جرحك


و لا كنّه .. له عام ..


و لا كن لك من عام جارحني


له عام ينزف ..!!


و لا طاب الوجع سنّه


أقسم بربــي ..


كأنك أمس ذ ا ب ح ن ي



ضحكـة فـرح باتت على شفـــة انسااان


تشعل بقــايــا روحـه ..


و تستــثـيـــره


هو حانِ وقتِ اعدامهاْ اْو ما بعد حان؟


طـــوَّل غبــــاها ..


و المـواجع كثـيره



عرفت اني حكيمه يوم .. رفضت استسلم لحبك ؟


لأنك جاهل و طايش // تبي قلبٍ و تلعب به


و انا قلبي محال إنَّــه يصير


( ألعوبه ) .. لقـلبك


يهينه لا بغى يزعل .. و لا راق الزعل حبَّه



ما أبي أكذب على نفسي وعليه


ما أبي ألعب بقلبه و اكســره


تبت ايدين الهوى تبت يديه


يكسر الرجَّـال // و السبه مره !!



سبكت الدور .. واذهلت الأكـف بصفــــقة الجمــــهور


و لكـــــن الغـــريب انـــي معـــاهم كنــت مذهـــولــه


مع اني عارفــه بإنا نمثــــل ..


بس عشـــت الدور !!


و صدقت الوله و الحلم و عشت الحب ..


معقوله ؟ !



أخاف إن جيت أحب غيرك أعافه


معوّدني .. على


( قلبك و حبـّـه)


و أكثر شــي في غــيرك أخافه ..


يعودني ..على


( قلبه و احبـه )



ما اتفـقنا يا شقـى الماضـي تروّح في طريقك ؟


و اشتري بيت الهمــوم اللي بنيته في طريقـي !!


ليه راجع ؟!


كل هالأيام .. و لا قدرت تعيقك ؟


راجع لمسمارك اللي غارسه فيصدر ضيقي ؟

البارحة جيت أفتكر شي ٍ تناسيته و أحن


و أدري بيذبحني الحنين إن طاوع القلب و حكى


مثل الغريب اللي ليا جا يذكر دياره يجـن


لو ما تذكّــرها يذوب .. و لو تذكـّــرها بكــــى !!

تدري وش اللي بيَّخ احساسنا أمس ؟


زود اشتياقي إللي زعل من نعاسك !


أمد لك كف اشتهــى رقة اللمـس !


و يقلب عليه الطاولة ثـقل راسـك !


/
/

اتمني تعجبكم