(( زيـــف الـهـيـــام ))

[glow=CC3333]هقوتي إنّي ذهينه وما يطوف أحلى الكـلام

أفهم المغزى قبل ماتنهـي تالـي كلامـك

إنت ياللّي تدّعي إنّك جريـحٍ فـي الغـرام

لا تكابر والمحبّه زيّفهـا لَـون غرامـك

أنكشف سرٍ بعينك ما علـى مثلـك مـلام

ابتعد عنّي ولا يكثر على المسـرا ملامـك

كنت أحسب إنّك حبيبي غرّني زيف الهيام

عشت في غفلة زماني أرتجي رحمة هيامك

ما تصوّرتك تخون إللّي جفا حِلـو المنـام

لجل عينك ساهره وإنت تهنى في منامـك

الغدر رمزٍ بطبعك علّق بصـدري وسـام

لا تكلّم في المحبّه قل في عيونـي مَقامـك [/glow]