بيرق دبي اليوم ماهـو ,, لفرعـون(ابن رفيع)

[align=center]
بسـم الله الرحـمـن رب الانـامـي
وحده يعيش وباقي الخلق ,, مدفـون
عينـي مـن اللـي شافتـه ماتنامـي
صار الشعر تصويت , بيرق , ومليون
منهو يقول الشعـر درع و وسامـي
الشعر نزف احساس بالقلـب مكنـون
ننشد بـه افـراح العمـر والالاامـي
واليوم اشوف الشعر للي ,,يصوتـون
يا شاعـر المليـون وصـل سلامـي
وبلغ بعد ان الشعر طيـر ,,مهيـون
واكبـر دليـل يجيـك يثبـت كلامـي
بيرق دبي اليوم ماهـو ,, لفرعـون
ومشعان قبله كيـف يلقـى انهزامـي
فازو بحب النـاس مهمـا ,,تسـوّون
يكفي خلـف مشعـان رده عصامـي
وله منطق وحكمـه واداب ,,وفنـون
دايم قصيـده معتلـي فـوق ,سامـي
حتى على اللي في قصايـده يهجـون
ماشال قلبه حقـد واعلـن خصامـي
وما حب يسمع من " وكاله يقولـون"
وتشهد لبو فارس ملوك(ن) عظامـي
انه تحدا بالشعـر انـس , وجنـون
واحتل شعـره فـي خفوقـي مقامـي
تسوا قصيدة " ناقتـي" مـال قـارون
مااقصد اهين انسـان لا ,,بلحرامـي
مبروك للي فاز ,فـوزه ,,ولا يهـون
ياهل الشعر قلبي مـن الحـال ظامـي
يللي بقصايدكم ظمـا القلـب تـروون
ارقـى تحياتـي لكـم ,,واحتـرامـي
من دون بيرق لا ولا ميت ,,مليـون
لا كنـي اشـره عالنفـوس اللاّمـي
اللي بيبون الشعر دايـن ,,ومديـون
جمع الدراهـم همهـم فـي الختامـي
وحنا ماغيـر ارقـام فينـا ,,يعـدون
كن الهدف اشعـال حـرب الكلامـي
حرب بها المكسب خيالـي ومظمـون
تشعل شرايين(ن) بهـا الـدم حامـي
من منطق الفزعات صـارو يحيكـون
فكره يكون القصـد منهـا احتدامـي
وفزعت قبايل دمهـا حـار ,,يـدرون
حرب(ن) بها الشعـار قـادة نظامـي
وجنودها جمهورها اللي ,,يصوتـون
واقع تعيـس وحالنـا فـي انعدامـي
والبال من هالحال حايـر ,,ومحـزون
سبعيـن عـام ومالقينـا "سـلامـي"
بالعكـس زادو بالكرامـه ,,يهينـون
امة عـرب تشكـي مـن الانقسامـي
والقدس امره مع خنازيـر صهيـون
بوصف لكم مشهـد رايتـه ,,امامـي
اطفال رضع فـي بـلادي ,,يموتـون
وحنا علـى التلفـاز دون ,اهتمامـي
مانسمع اصوات الارامل ,, يصيحـون
الوضع اصبح جـدا اليـوم ,, دامـي
ملعون ابو هالوضع يانـاس ملعـون
والله مااقصد ان نخـون ,, النظامـي
ملعون ابو الارهاب واللـي يخونـون
الله امرنا انطيـع امـر ,,, الامامـي
ومن لايطيع الامر عيشتـه فـي دون
من يزرع الارهاب بـارض السلامـي
يجني محاصيلـه بلـد دون ,,قانـون
وارواحنا تفـدا الملـوك ,,الكرامـي
دام الملوك احنا لها نبض ,,وعيـون
لكن نبي انعيـش العمـر ,باحترامـي
عيشه كريمه بـس للشعـب تكفـون
والحاكم اللـي دون شعبـه ,يحامـي
شعبه يبي يفـداه بالعـز ,,ويصـون




يوسف بن رفيع
[/align]