حي برق(ن)شعاعه بالعويقيله

حــي بــرق(ن)شـعـاعـه بالـعـويـقــيـله=لاح لـلــي مـقــامــه عـــرق لـــزامي
دار غــرو(ن)سـحـرنـي فــي مظاليله=نام جـفـنــه وجـفـن الـعـين ما نـامي
طـال ليلي وجـفــنـي سـاهـر(ن)لـيـله=يوم قلـبي صدر بــه حكم الاعدامي
لا طرى لي حلا اللي نافل(ن)جـيله=كـن صـدري يعاني تـحت الاهرامي
او طـرى لـي لـحــنــهـا فــي مــواويـله=ثـم شـالت قـبـالــي زيــن الانـغـامي
غـصـن مـوز(ن)عـلـى جـاري هـماليله=وين ما رحت شفـت الزين قدامي
في لباس(ن)يـهـيـل الـقـلـب تـفـصـيـله=ضاق وسطه وفـيـه طـروز الاكمامي
لـيـت حــظــي يـزيـن ويـعـتــدل مـيـله=لاجـل اشـوفـه ولو رمـيـه بلا رامي
يـاعـشـيـر(ن)عـقـبـني شايل(ن)شيله=حال دونه سراب(ن)بالسماء زامي
في ديار(ن)تـبــيــد الـســود من خيله=وتجدع اللي وطـاها هالك(ن)ظامي
يـوم شـافـوا بـشـيــر الـمـزن في سيله=في بروق(ن)رعـدها مـثل الالغامي
يـتــبـعـون الـسـحــايـب فــي مداهـيـله=والـقـطــيـعـه صدر مرسومها السامي
ثــم غــــابــت عــن الـخـافـق مـراسـيـله=لـيــن حـطــم بـهـجــره كل الارقامي
قبل يوفي خـفـوق(ن)طـايـح(ن)حيله=والـوعــايــد وفــاهــا مـثل الاحلامي
جرح قـلـبـي غـدى جـمـلـة مـحـاصيله=ولا رحـمـنــي وعـالج جرحي الدامي
مـع عـطــور(ن)تـجــيـنــي من مـناديله=قبل يرخص بـحـبــي كل الاسوامي
عـقــب مــانــي سـعـيــد(ن)فـي تعاليله=فيه عـين العراق وجـسـم الاشوامي
تـذهــل الـقــرم عـن حــوفـة مـعـامـيــله=لين يـظـهــر عـلـيـه سـهــاج وهيامي
قصة(ن)صـعـب عـنـد الناس تـمـثـيـله=مثل شغـل الـهـنــود بكـل الافلامي
مانـفــعــنـــي طـبــيــبــي فــي تـحــالــيـــله=مع جروح(ن)مضى له عـدة اعـوامي
الـــهــواوي يـهــاب الــقـــول مـع قــيـــله=مـايــدانــي جــلـــوسـه عــنــد نـمـــامي
ومن يـشوفـه بــدى عــذلــه وتـفـشـيـله=ثـم يـنـشــر عـيـوبـه عـبـر الاعـلامي
لا تــغـــرك صـــــلاتـــه مــع تـهــــالـــــيــــله=يـنـقــل الـهــرج لـو صـلى ولو صامي
ليت عـثـمــان يـسـمــح لــي بـتــوكـيــله=او نـخـيـنــا فـزوع الـشـاعـر الطـامي
الــــعـــــذارى بــلاهـــــا فــي مـرايــــيـــله=تـودع الـنـاس تـطــردهــا بـالاقــدامي
اطـلـبــوا مـن قـضــاة الـشـرع تـعـطـيله=حيث جرحه يخالف شرع الاسلامي
قـبـل تـقـطــع عـروق الـروح فـي ويــله=بـيـــن ثـلـج الـشـعـور وهجرها الحـامي