الشمــــــــــريه

[align=center] الشمـــــــــــــــــريـــــــــــــــــــــــــــ ــه[/align]

[poem=font=",6,black,bold,italic" bkcolor="transparent" bkimage="" border="none,4," type=2 line=0 align=center use=ex num="0,black""]

دنياى غريبه زاد منها كدرنا= وزاد العنا من وقتنا وبعض الاسباب
والله يالولا المرجله ماصبرنا=ولا يحتمل وقت محمل بالا تعاب
ومع كل هذا بفعلنا ما قصرنا= نفعل اليا من الردي بالردى خاب
ومن باسنا بانظارنا مانحدرنا= لو سكرت بوجيهنا كل الابواب
حنا هل للطايله من ضهرنا = وشموخنا عانق طويلات الاهضاب
ولاهو غريب فعلنا لاهدرنا = عدونا نسقيه مر وتيزاب
ماهو جديد من قديم خبرنا= قبيلة مشهود له عند الاجناب
شمر هلي لو صار قاسي دهرنا= ياقونا عند المصايب والاصعاب
حنا الطنايا اسمنا من سطرنا =وياما خذينا من جميلات الالقاب
وحنا هل الحرشا كبير فخرنا = ساس المراجل والزعامه لنا اركاب
وحنا ليا من قيل زوبع قدرنا = بعون الاله لفك صعبات الانشاب
وحنا سناعيس طوال اشبرنا = ردينا لمواجه الضد ماهاب
وحنا الضياغم للمعادي قهرنا = تشهد لنا صولاتنا يوم الاكراب
وحنا يمـــن في كل عز كبرنا = لا ثارت الهيجاء مطانيخ وانجاب
وحنا الصفران لكل ند كسرنا = بفعالنا تفخر شباب وشياب
وحنا الحيسه بعيد نظرنا = ماننحني لو تنحني كل الارقاب
وحنا ليا من صاح صبحي جبرنا = كل بحق المنتخي صار طلاب
وحنا اليا من قيل غلبا حضرنا= الكل منا لغالي الروح جلاب
وحنا السيافا بالمعالي شهرنا= من دوننا تقصر زحازيح واشناب
وحنا سودان الروس محد جبرنا = وزهيد ما نرضى الهزيمه لنا باب
وحنا بزينين المحازم ضفرنا = عند اللزم للملتجي درع وحجاب
وحنا عصاة لكل عايل دحرنا = تاريخنا ماهو تزاوير بكتاب
وحنا هل العصلا وسيع بحرنا = واليا زعلنا امواجنا سيوف وحراب
وحنا مساعيد اليا من ذكرنا = صغيرنا للطيب والمجدةكساب
وحنا بغافل لانتخينا عبرنا = في كل ميدان لنا كسب الاطياب
وحنا بالازمل لا نتخينا جهرنا = بوجه العدو عوق وعز للاصحاب
وحنا هل البلها قوي ضهرنا = بزوماتنا عدونا دوم مرتاب
وحنا هل الجدعا اليا من جسرنا = خصيمنا دايم محطم ومنصاب
وحنا الحجلان بفعلنا ماصغرنا = ماننثني لا صار للحرب شباب
وحنا اكبارالصحون ياللي تخبرنا = وساع الطعون صوابنا ماله اطباب
وحنا لفعل ايماننا ماحصرنا = مهما نعد امجادنا ماله حساب
وحنا ابطال بالمراجل تجرنا = وتاريخنا عن قمة المجد ما غاب
لا زغردن بيض العماهيج سرنا = للموت نمشي وعزنا فوق الا شهاب
كم شيخ قوم بالمعارك صقرنا = عركاتنا يفرح بها الذيب وعقاب
وكم رعيل تاهـ عرضه سترنا = في ظلنا عاشو عزيزين واجناب
للجار ظل وعز منهو خطرنا = افعالنا ماينكره نزه الانساب
هذا وحنا لغيرنا ماحقرنا = نعمين بالاجواد من كل الاطناب [/poem]

[align=center] الشاعر/علي الغشم


م,ن[/align]