السلام عليكم ورحمة الله وبركاته
هذي قصيده قريتها وجازت لي قلت اجيبها لكم بس مدري من شاعرها
ذبحني هالسؤال أرجوك قلي بس ويش جابه
دخيلك ليه تتعمد مع ضحكك تبكيني
من البارح تعيده هــالسؤال وتطرق أبوابه
وعلى نفس الطريق اللي تجي منه توديني
يا خلي وش تبي مني؟ وحزني إيش تلقابه!
يهمك إيش في هذا عذابي وأنخلق فيني
تبي تعرف حكاية شاعر جمهوره أحبابه
تبي تعرف ليه يصفق جمهوري ويحييني
لأن الشعر عندي ماهو بس أوراق وأكتابه
ولاني من فراغ أكتب وأبي تكثر دواويني
تبي تعرف شاعر ليه هاك الشعر و أسبابه
تبي تعرف مكاني وين؟ رتبها وتلاقيني
فقر مال ..وفقر حال..وفقر حيله وطلابه
فقر حظ (ن) كريم أمدله كفي ويعطيني
رضعت الويل من صغري ولبست الحزن وثيابه
على شط الشقى مولود وهمي كان يرويني
تقطع وجهي وجلدي بناب الفقر ومخلابه
ولكني عزيز النفس ولو.. أحتاج تغنيني
كساني ثوبي المشقوق وبين الناس أزهابه
وكلن ..يلتفت يمي يظن بتنكسر عيني
عيون الناس تطعني وكلن يغرس أحرابه
بعض عيون أقدرها ..وبعض عيون تدميني
تخيل جتني وقالت :فمان الله يا بابه
تشرفنا بمعرفتك ويله... لا ..تأذيني
وأنا أعشقها ..ثمان سنين وهي تلعب وكذابه
تسلي نفسها فيني ونيتها تخليني
تبي أحكي عن الزاهد..وذنبه في محرابه
دخيلك ما أقدر أتكلم .. خلاص أرجوك أعفيني
قسم بالله في صدري مدينه تلتحف غابه
مدينه ساكنه بقلبي..... وغابتها شراييني
دخيلك سكر الموضوع وشفـــلك شي تسلابه
أنا منك ألاقيها... أو.. ألقاها من سنيني
وسلامتكم
العرض الشجري
