01-13-2009, 01:43 AM
|
#1
|
بيانات اضافيه [
+
]
|
رقم العضوية : 5458
|
تاريخ التسجيل : Aug 2007
|
أخر زيارة : 12-31-2019 (07:51 AM)
|
المشاركات :
20,743 [
+
] |
التقييم :
295
|
الدولهـ
|
الجنس ~
|
اوسمتي
|
|
لوني المفضل : Sienna
|
|
الجـــــــــــــادل
الجادل اللي يمـر القلـب شارعهـا =بيـن الحنايـا تعـدّى ماتطالعنـي!
تقفي مع الـدم بعروقـي واتابعهـا =واحس كنْها على نفسـي توزعنـي
قامت تبعثر غلا..وان جيت أجمّعهـا =أضمّهـا وآتشتت..ليـن تجمعـنـي
بين الحنايـا تثنّـى فـي مرابعهـا=كنْها تقول أتحـدى مـن يطلّعنـي!
دام الحشـا بيتهـا وأنـا مدلّعـهـا=وش دخّل القلب يزعل يوم توجعني!!
وليا خـذا رمشهـا رجـلٍ يطالعهـا=لعـل رمـشٍ خذانـي مايرجّعـنـي
عيونها جيـوش والنظـره طلايعهـا=غارت بصدري وجاز لسيفها طعنـي
ويوم انْكفت..لين قلبي مـن قلايعهـا=والصبر عن خافقي ماعـاد ينفعنـي
مدهالها القلب..وعيونـي مراتعهـا=أموت فيها..وهي للريـح تزرعنـي
لو تدري الريح عن هـادي طبايعهـا=ماهزّت غصون قلبي..ليـن ودّعنـي
ريحانتـي والغـلا فالقلـب زارعهـا=تشرب عروقي وترواني..وتشبعنـي
كنّ النحل من رحيق الورد مشبعهـا=وانا شموخي من أحلى شي جوّعنـي
ولياتعانـق خجلهـا مـع تواضعهـا=عانقت ليلٍ علـى مسـراه شجّعنـي
لو ينسـرى ليلها..سريـت بايعهـا=بشر...ولا الله عن الزلّـه مرفعنـي
واصبحت من عقب ماني ضدّها..معها=ان ضاعت آضيع...وان دلّت تسنّعني
وان شفت بالعين قلبي بين أصابعهـا=سـجـدت لله....يالله لاتضيّعـنـي
وان جات للجد واسقتنـي مدامعهـا=علّمتها الدمع للعشاق...وش يعنـي؟
الدمع صوتٍ ليـا غـازل مسامعهـا=تشوف صوتي واذا مرّيت تسمعنـي
والله ماكنت أطاوعهـا ولا اسمعهـا=لكنّه الحب!!...سمّعنـي وطوّعنـي
للجادل اللـي شرايينـي شوارعهـا=القلب يقتادني...والنفـس تمنعنـي
|
|
|