صباح الخير
مدخل :
يانسانيس الشمال
ياعلامات الفراق
يامسبب هالضمأ
لييييه تقفي بالسحاب .. ليه تبعد بالحبيب
أو أقول >> ماعلى الدنيا عتاب
لا ولا نقدر نعيب
هذي الدنيا كذا >> بس والله هالضمأ
يقتل النفس ويصيب
؟؟؟
إليكم
...
هـب الشــــــمال وبالسماء بارق ونو=وقلبي على مي الـمـنــاشـي شفاوي
مــــا قـلت الا يالــيت .. أو قلـت يا لــو=ولاني عــلــــى تـغـــيــيـر الاقدار قاوي
أرجـــي وأنا قلـبـي مـثل مجدب الدو=أرجـــي قـــــراح ملـوعــــــــات الهواوي
اللي بردهــــــــا كــن يســطـع منه ضو=وبين الشــفـق والجمر برقه سناوي
يــجــي أو انـــي آرده وردت الجـــــــو=واروي قــرب قلـــب من العام خاوي
مــا قـــول لـــه كـــثــر و لا قــول له شو=مــــاوي .. ولاهــــو في عطاياه ياوي
الصـــيف مقــبل .. والحيا مقفي تو=وأنا على درب الـمـــواصــــل حفاوي
قــم يافــهـــد ياخــــــــــوك في دلتك سو=كيفٍ على خمس التصانيف حاوي
في راس مشــــرافٍ قبل غيبت الضو=مع رفـقـة تعــــرف حقوق الـمــخـاوي
يمكن لـيــا مـــن الجــــــمــــاعــه تحاكو=وأدرت فــنـــجـــــال مهو كالـقــهــــاوي
أســج وأغـضـــي عـنـك يامـبعد النو=لو أن قـلــبـــي في مــفــالـــيــــــك داوي
تحياتي وحبي / فالح الناهي