حايل واهلها من زمن منبع الجود.. توارثه اجيال جيـل ورى جيـل
فزعاتهم تاريخ واقـع بلاحـدود.. تاريخهم مافيـه زيـف ولاميـل
افعالهم تشهد بذكرى لـه شهـود.. في حاظر الايام يشهـد بتدليـل
عز ورى عز بحايـل وموجـود.. ونوادر الفزعات حانـت بتمثيـل
نعم لمن في فزعته مايبـي فـود.. الا نعم ابن الرجـال الحلاحيـل
شهامة الفزعات في خير مردود.. فزعة شباب مارضـو بالبهاذيـل
واللي لجاره مارضي الهم والكود.. عفو وتسامح مارضى له ابد ويل
حايل تسجل يومها الشهم مشهود.. ماهوكلام زيـف القـال والقيـل
بين الغريق وبين غايب ومفقـود.. صاحت حمياهم بصوت المواويل
منظر بطولي مارجو شي محمود.. إلا كفو من دون نقـص وتقليـل
اعمهم اهل الشهامه هلا الجـود.. يستاهلون المدح جيل ورى جيـل
العرض الشجري
