سافر مع ع ــــــــــــــــضو

السلام عليكم ^^

يعطيكم العافية ..
على إجاباتكم الروعه ..
و ترى ما ضحكت على بعض مواقف البنات ..
أما فاصله ^^
برا الشقة بدون عباية ..
و عالي سماها ..
اللي رايحه لـ البركان بـ كعب ^^"
و صرخة وجدان ^^"
وش سويتي بـ كاميرا الرجل ؟؟
إن شاء الله فيها صور تستاهل ^^"
و ربي يسلمك على أخذي معاك ^^
<< استانست من قلب ^^"
و الفراشة هايدي بعد أشكرها ..
ترى مو وجه عزايم أنا ^^"

***

يحق لي أشارك ؟؟..
بـ صراحه ماني من أهل السفرات ..
لكم ما بغيت أرد دعوة أخوي النوفي ..
عشان كذا ..
تفضلوا إجاباتي ^^

***


آخر سفرة كانت لك وين ؟

بـ صراحه هم سفرتين ..
و كلهم داخليات
يعني ما أعرف شكل الجواز
و الأخيرة منهم كانت لـ العاصمة ..

أقصر سفرة وأطول سفرة بحياتك ؟

أقصر سفرة كانت لـ الرياض ..
مراجعات طبية و مستشفيات ^^"
استمرت 3 أيام تقريباً ..
و أطول سفرة ..
إلى مكه و جده ..
تقريباً اسبوعين أو زياده شوي ^^"

شنو أجمل مطار شفته ؟

ما شفت مطارات بـ الواقع ..
كله أرض - أرض سفراتنا ^^"

شنوالدولة اللي تحب تزورها ؟

كثير ..
لكن أكثر وحده أتمنى أشوفها قبل أموت ..
إيطاليا ..
<< شكل منيتي هناك من كثر ما تمنيتها ^^"

تذكار محتفظ فيه من أي دولة وشنو اهوا ؟

بـ صراحه ما أحتفظ بـ شي ..
و من زود الدلاخه ما آخذ تذكار ..
حتى أحتفظ فيه أصلاً ^^"

نبي صورة لدولة تتمنى تزورها ؟

أوكي ..
هي روما عاصمة إيطاليا ..
هي المدينة الحلم بـ النسبة لي ..
و هذي صورة لها ..



أكلة تحب اذا زرت أي دولة تتمنى تذوقها ؟

عندي مشاكل مع الأكل ..
ما أحب آكل أي شي ..
خصوصاً إذا كان جديد علي ..
عشان كذا شكلي راح أقضيها سوائل بس ^^"
عصيرات و ماء فقط !!

أي دولة تعجبك من قارة آسيا – أفريقيا- أوروبا- أمريكا الجنوبية- أمريكا الشمالية ؟

آسيا ~> ماليزيا ..
أفريقيا ~> تونس ..
أوروبا ~> ايطاليا و فرنسا ..
أمريكا الجنوبية ~> الأرجنتين أو تشيلي ..
أمريكا الشمالية ~> كندا ..

أجمل مكان شفته بسفرك ؟

بـ صراحه ..
في السفر كل شي حلو ..
أحسه كذا ..
يعني كل الأماكن اللي زرتها << من كثرها يعني ^^"
حبيتها و أشوفها حلوة ^^

كم مرة سافرت بحياتك ؟

اثنتين وحدتين << ^^"

موقف محرج صارلك في سفرك ؟

الحمد لله ..
مروا كلهم بـ سلام ..
ما صار شي الحمد لله ^^"

شنو يعني لك السفر وهل تحب تسافر ؟

شخصياً ..
أحب السفر ..
و أكثر من مره أقول لـ أهلي ..
لو أنا ولد << حلم إبليس بـ الجنه ^^"
كان و الله ما تعرفوني و لا تشوفون وجهي ..
أبي أصير ابن بطوطه أس 2
<< ربي عارف نيتي ^^"

شيء لا تستغني عنه في سفرك؟

في كل المرتين اللي سافرتهم ..
أهم شي جوالي و دفتر مذكراتي ..
ما أستغني عنهم ..
<< كل من شافني يقول وش تذاكرين الناس معطلين !!!!

اختار عضوين ياسافرو معك ولوين بتروحون ؟

لا ظلم !!
مو بس اثنين أبي آخذ ..
ابي آخذ الكل ..
هنا و بـ البيت و بـ المدرسة ..
و كل اللي أعرفهم و يعرفوني ..
و نروح لـ كل مكان نبي ..
بس الحساب على من ؟؟
عاد أنا شفت أخوي هلالي و دمي يغلي هـ اليومين ..
عليه توقيع تووحفه ^^"

نصائح تقدمها للمسافرين ؟

أكيد اللي قبلي ما قصروا ..
لكن راح أشدد على نقطة ..
و هي تصرفاتك بـ بلاد برا ..!
تعكس صورتك كـ مسلم و سعودي ..
فـ يا ليت اللي يسافر ..
يقدم صورة حلوة عنا ..
و عن نفسه أولاً و أخيراً ..
و اللي يبي يسافر من جديد ..
خصوصاً برا ..
يأخذني معه أعلمه شلون يتصرف <<

كلمة أخيرة لقسم االسيآحهـ والـسـفر ؟

كل الشكر لك اخوي ..
على إهتمامك بـ القسم ..
و لـ الكل على إتحافهم له بـ مواضيع رائعه ..
أنا صحيح مقصرة بـ دخولي لـ القسم و ردودي ..
لكن هذا ما يمنع رحلات الشفايه إلى هنا ^^"

***

و يعطيكم عافية على جهودكم ..
و لك أخوي على دعوتي ..