لا ني ولـد عمـك ولا ولـد خالـك

[poem=font=",6,black,bold,italic" bkcolor="transparent" bkimage="" border="none,4," type=1 line=0 align=center use=ex num="0,black""]
ياشينها لاصـرت واقـف لحالـك=علـى طريـق مايـمـره ولا زول
تقول هالك وانـت مانتـه بهالـك=مالك جـدا ياكـود ترديـد يحـول
هذا ترا حالـي ولا هـوب حالـك=لنك من الاحبـاب منتـه بمعـزول
كلٍ يبي عرفـك ويبغـى وصالـك=من جاك روح ياهوى البال مشغول
وانـا بفكـري مايفـارق خيالـك =كنك بعقلي دايـم تصـول وتجـول
مـاقـول الا جـمـل الله حـالـك=خل الـذي فالقلـب مـاودي اقـول
ماودي اوصف ماخفى من جمالـك=اخاف وصفك لابدا يسلـب عقـول
لكن ابوصف حال من جـا قبالـك=اذا نظرك بنظرته عرض في طـول
تبتعـد عنّـه برجـلـه مشـالـك=حتى ولو دربك على طول مجهـول
وان كان حظه حرره مـن حبالـك=يروح من عندك بلا عقل مسطـول
تدري عشان ارضيك واسـر بالـك=اسمحلي اوصف شي بالعقل معقول
الخد برقٍ شع فـي ليـل حالـك=يضوي على نجلٍ بها السيف مسلول
الزيـن فـي يمنـاك والا شمالـك=الا انت كلك صرت لزيـن مدلـول
ماهمنـي لـوزاد فينـي هبـالـك=احسن لي ابعد قبل لاصير مهبـول
اجرح وسو اللـي بفكـرك بدالـك=بس انتبـه بالله لاتطـري حلـول
لاني ولـد عمـك ولا ولـد خالـك=صدفه تلاقينا على غيـر محصـول
ماني بعبـدٍ لـك ولا مـن عيالـك=شاعر علم وانته من البيض مجمول [/poem]

م # ن