ليه يابنات حايل؟!!

السلام عليكم ورحمة الله وبركاته ..

للأسف موضوعي عن بنات ديرتي وما وصلن إليه من إسراف

ومبالغه بإحياء حفلات زواجهن..لا تستغربون الأمر زاد عن حده وكل

سنه أشد من السنه اللي قبلها.. البنت لما تنخطب ماتفكر بالتوفيق مع

زوجها ..كل همها وتفكيرها منصب على حفلة ليلة زواجها وكيف تجعلها

أحسن من زميلتها فلانه ..وتحجز فرقة من خارج حايل لإحياء العرس

وتسافر بره حايل لتشتري أغراضها عشان ماحد يكون عنده نفس أقمشتها

أو فساتينها.. تذهب للكوافيره الفلانيه الشهيره والغاليه السعر لتعمل بها

حاجات خاصه ..أستغرب من جرأتهن العجيبه تجعل إمرأه غريبه تتطلع عليها!!

وتحجز القصر الفلاني الفخم والغالي.. ثم نأتي لكروت الدعوة الغريبه التي انتشرت

بين بنات حايل .. يكون مكتوب عليها اسم العروس بالكامل ووالدتها وتكون من

الورق الفخم وتوزع على النساء فقط هذا كان سابقآ ..السنه هاذى جتنى بطاقه

ذهلت كانت من الزجأأأأأأأأأأأج تخيلوا بطاقة دعوة مطبوعه على زجاج وفيها اسم

العروس ووالدتها البطاقه الواحده أكثر من خمسين ريال!! ليه يابنات حايل؟!!

هل الهم الأكبر الاسراف والتبذير بحفلة وبطاقات الزواج والنذخ قدام العالم؟

أم الأهم التوفيق مع الزوج؟!! عجبي والله من بنات حايل..

أصبحنا أشد إسرافآ من العاصمه والشرقيه والغريبه.. واحسافة حايل وبناتها..

ألوم البنت لان الرجل ليس عليه سوى دفع المهر فالاسراف من البنت ..

ماأقول لا تهتمون بالضيوف بليلة العرس لكن المبالغه والاسراف لا تجوز..

اللهم اهدى بناتنا واسبغ عليهن بنعمة العقل اللهم آمين..



ودي وتقديري