يامهرتي .. بنـت الشمـوخ الأصايـل
خيّالهـا قلبـي .. ونبضـي عسّفهـا
أبـدع لهـا جـزل المعانـي مثـايـل
قصيـدةً مـاكـل شـاعـر عزفـهـا
طيب / وحلا / والزين فيهـا خصايـل
يعجز جميـع الشعـر لامـن وصفهـا
اللـي لهـا بيـن الضلـوع النحايـل
نيشان حبـه / يـوم صابـت هدفهـا
الجادل الطرقـا / يـاروض وخمايـل
يالسحر / ياشـوق القلـوب وشغفهـا
كم عاشـقً يكتـب ويرسـل رسايـل
جف القلـم .. كـل المشاعـر نزفهـا
وكم عاشـقً نـار الغضـى والملايـل
تحـرق فـؤاده .. والضمايـر تلفهـا
وكـم عاشـقً ذايـب بهـا ويتمايـل
شاف الدلع / شاف الغنج / في ترفهـا
وكـم عاشـقً فيـه الخيـال يتخايـل
يحضن هواها .. ويهتني فـي كنفهـا
وكم عاشقً دمعه مـن المـوق سايـل
لاغاب عنهـا .. كـل عبـره ذرفهـا
وكم عاشقً عـاف الجـدد والسمايـل
لا والله إلا غـصـب عـنـه ولفـهـا
وكـم عاشـقً زم الحمـول الثقـايـل
مـن أجلهـا كـل الصعايـب قصفهـا
وكم عاشـقً يكعـم لهـا كـل عايـل
يرخص بعمره .. لـو مسـوا طرفهـا
معشوقتي .. شيخـة بنـات الحمايـل
رفيعـة المنسـب / عفيـفً شرفـهـا
تدرون من هو ولع القلب ؟ ...( حايل )
يالعنـبـوا دار الــذي ماعـرفـهـا
العرض الشجري
