(( فتشت في [ صدري ] عليك ولقاني .... ))

[align=center]
يسعد لي اوقاتكم ..
( قصيده لا تحتاج لمقدمه )
للمختلف / بركات الشمري ..
الصبح هذا من بياضك كساني ..
.................... بسمه لها عامين مامرّت شفاي !!
كن النسايم من شذاها أغاني ..
................... كن الأغاني من شذاها/ هداياي !!
عطني يدينك مابقى لي مواني ..
................... فيني من اللي راح مايخجل الجاي !!
ودي معاك ارجع/ ونرجع ثواني !
................... لـ جروح طابت / للتناهيد / لـ غناي !!
اتركني افقد في مكاني / مكاني !
.................. ودي أحس بـ لهفة الروح / وخطاي !!
الليلة بـ سكب مابقى من حناني !!
..................الليلة بشعل داخلك شمعة مناي !!
فتشت في صدري عليك / ولقاني !!
................. طفل ٍ يفضفض للعصافير ... شكواي !!
أنت له أجمل من كلام .. المحاني !
................. وانت له اصدق من دموعي وبلواي !!
شقيت ثوب الليل يوم احتراني ..!
................. صبح ٍ يطل ابـ مبسمه في زواياي !!
الليلة بـ رجع طفل مملي أماني !!
................. واشوفك أحلى ما ملكته من اشياي !!
ودي أرطّب كلمة ٍ في لساني ..
................ جفّت ..... ومعها جف ّ مايشبه الماي !!
معاك ابذكر ضحكة اللي نساني !!
............... لعلي أنسى ..ضيقة ٍ داخل حشاي !
معاك ودي أرجع إنسان ... ثاني !!
............... وارجع معك وياك من دون ... وياي !!!
...
اختكم0بروق السحاب
[/align]