احترت مدري وين اخبي حبّه

احترت مدري وين اخبي حبّه

وسط الخفوق,, او في سواد عيوني





حسبي على اللي في أذانه صبّه

هرجٍ يخلي سامعه مجنوني





المشكلة ما للعواذل سبّه

ولا ظنتي باللي جرى يدروني





الزند ثار,, وصار من هو شبّه

هاك القريب وكذبتني ظنوني !!





أزريت وآنا كل يوم آنبّه

لا لا تبيّح سدّك المكنوني





والعشق في داخل قليبك خبّه

درب الهوا ماهوب أبد مضموني





عزي لمن هو صعب جدا طبّه

ماله علاج إلّا لما المزيوني





ويعيش في باقي حياته جنبه

ومن بعدها ينسى جميع الكوني





لانه عديل القلب مالك لبّه

متربعٍ وسط الحشا بالهوني





احفظه يارب العباد وربّه

من كل شر وقرّ فيه عيوني





مالي غناةٍ عن هواه وحبّه

وما همني لو الملا يدروني




مما راق لي