باقي معك لآخر دروبي !!!

[align=center]
بسم الله الرحمن الرحيم

مساؤكم بعبق الزهور قد فاح

وبسمو أرواحكم قد لاح

يا بشر تكفـون حلّو عـن سمايه
ما يصيب الهرج لو الهرج صوبي ..

كم سكت لكم بما فيه الكفاية
اشتموني لو زعلتوا واشمتوا بي ..

عيبوني واتركوني في عمايه
واتركوا لي واحد يرضى عيوبي ..

اتركوا لي واحد يمسح شقايه
كل ما حط الزمن دوبه ودوبي ..

ذاك والله لا ذكرت انه ورايه
اشعر إن الكون كله وسط ثوبي ..

يكفي انه لو يسولف للمرايه
كن صوته يهمس لصورته ذوبي ..

كيف أنا ما أذوب ما دامه معايه
اسمعه وأسهر معه لآخر دروبي ..

كل ما قال السهر درب الغواية
قلت كله من عيونك هبّلوا بي ..

وكل ما قال الخطا ماهو خطايه
قلت له قل للعيون السود توبي ..

ضيعتني واسـأل الله الهداية
وين أجيب العقل أجيبه من جيوبي ..

من يعرفك مآ يدل العقل راية
يا شروق العمر مدري يا غروبي ..

أذكر انك كنت لي مثل الهواية
لو تروح ولو تجي يبقى شحوبي ..

بس مدري كيف صرت اليوم غاية
وصرت أجي وأروح مدري عن دروبي ..

يا بعد عمر الكتابة والقراية
يا الشمالي يابو الملح الجنوبي ..

لا قريت اللي كتبته يا رجايه
رح وبلغ ربعي اللي جننوا بي ..

قلهم يمكن يخلون الوشاية
و إن تمادوا خلهم مهما حكوا بي ..

أنت خلك بس في الدنيا عزايه
لا تفكر في العواذل وأنت صوبي ..

ادري إن كل درب وله نهاية
بس أنا باقي معك لآخر دروبي

للمبدع فهد المساعد

تحياتي للجميع

للإستماع

http://www.al7an.com/ar/song-41165.ram

كل العذر يوجد خلفية موسيقية

[/align]