مشاركة اولى و اهداء للجميع مع التحية

السلام عليكم جميعاً ورحمة الله وبركاته

اخواني واخواتي الاعضاء والمشرفين والقراء لكم مني اجمل تحية

واصدق شعور ....

باقة من الزهور

وباقة من الشعور والمحبّة لكم مني

كلما اطلت شمس الصباح في يوم جديد

.... اعود لكم وانا لم انقطع عنكم ,, ولكني اعود لكم بقصيدة اخرى

اهديها عسى ان تنال وتحوز على رضاكم واعجابكم بها وهي احدى قصائد

ديواني الثالث تحت الطبع (( بوح الكتمان ))


قصيدة ( عصور الجاهلية )

الصباح اللي تنفّس .. في جيوب أحلى الأماني
حاملٍ معه الأمل .. وسط الحزون السرمديّه
ابتهج صدر الحزين .. وموعد الأفراح حاني
إنولد وقت التلاقي .. والتقى حيّ ٍ بحـيّه
غرّدي لي يا بلابل فرحتي .. هالوقت زاني
راحت أيام المآسي .. مع عصور الجـاهليّه
ارقصي لي يا شموعي .. بعد ما ليلي عطاني
أجمل أماني حياتي .. جابها عندي هـديّه
اطوي أوراق التجافي .. ما لنا بالهمّ ثاني
اليدين إتشابكت مع فرحة إيدينٍ نـديّه
جيتها ليلٍ تهادى في ظلامه قد كواني
وأشرقت نورٍ يشعشع بالليالي الخرمسيّه
جيتها ضامي .. مرارة هالعطش يجرح لساني
وارتويت من القراح وسلسبيلٍ من يـديّه
جيت اسولف له عن اللي بالخواطر من زماني
وسرحت عيني بعينه .. في حلومٍ نرجسيّه
والله أني في سعادة غامرة غطّت كياني
دام هالوجه الصبوح مقابله صبح وعشيّه