سكـــ الذكرى الحزينه ــــة

مرني طيفك وطيفك صاحبي ما أدري عدوي
........جايبٍ صوتـك وصوتـك سكـة الذكرى الحزينه

قــال انــا جـوي تـكـدر قـلت ماهـو كثـر جوي
........قــال فرقـانــا غبـيــنه قـلـت واكثر من غبـينه

قال انا بـ أموت من غيـبتك قـل لـي ويـش اسوي
........قلت أنا ابغي الموت في غيبتك قل لي بس وينه

قبـل ترحل كنـت أقول بيـسـرح أيـام ويضـوي
........مثـل مـاعـودني اليا اشتقت لـه جابه حنينه

بس هـ المــرة ثمان شهـور وضـلوعـي تدوي
........كل يوم أشتاق لك يعلن أبو الشوق وسنينه

كل ماعشمت قلبـي قـال ياضـلوعي تقــوي
........ورحـت أنـا ويـاه نرقـب رجعـة اللـي فـاقـدينه

نـوب أقـول اليـآ رجـع بكـون فـي قمـة هدوي
........ونـوب أقـول إلا بزعـل وأتلى مابينـي وبيـنـه

كـل يـوم اجلس على جال البحر وأقول توي
........لاسألني مافقـدت الحـلم في لمسة يدينه

مـادريـت إن البحــر ماقـــآل لأمـواجـه تــروي
........ومادريت إن الغرق هو حجة غياب السفينه

مادريت أومابغيت أدري ولا أدري وش بـ أسوي
........لو رجعت وشفت طيفك في الممرات الحزينـه

وين ابنسى وأنت طيفك صاحبي مأدري عدوي
........مارضي يتـرك لغـيره شـبر واحـد فـي المديـــنه