روآية اوآهـ ياقلب.. الفصل الثاني .. للكآتبة سمر

فرمتت الجهاز وصلحته بس من دون ماتبلغ نايف وفتحت المسن تبعه وجلست تقرى الايميلات
وصابتها صدمه باللي شافته ..

جلست تقرى الايميل عشان تتاكد منه الا بيطلع هو ايميلها ايميل ريم صاحبتها
وجلست تفكر وتقول لنفسها يارى كيف جا ايميل ريوما هنا لا وفي ايميل نايف وهل نايف يعرف انو ريم هادي هيا صاحبتي ..!
نايف : لينا اش تسوي واشبك كذا مفجوعه وكانك شايفه مصيبه ؟
لينا : هاه لا ولا حاجه بس فيه ايميل هنا لفت نظري ..
نايف : بنت كيف فتحتي الايميل ؟!
لينا : ياخويا عادي ترى الحكايه بس قولي من ريم هاذي ؟
نايف : ايه هاذي وحده عرفتها بالمنتدى وبيني وبينها مواضيع ..
لينا : مواضيع قلتلي هاه ..
نايف : ليون على اش تلمحي يابنت ؟
لينا : نيوفي بالله طل في عيني ؟
نايف : اهو هاذي عيوني بققي فيها زي ماتبغين
لينا : نايف والله اتكلم جد
نايف : طيب طيب راح اقولك بس مو الحين
لينا : تعرف دمك ثقيل يالله قول
نايف : طيب راح اقولك الحين بس سر بيني وبينك
لينا : طيب يلا قول وكلي اذان صاغيه
نايف : انا هاذي البنت اعرفها ليا سنه اتعرفت عليها عن طريق المنتدى لاني كنت معجب بقلمها
لينا : الله اعجبت بقلمها وحبيتها عدل
نايف : انا ماحبيتها الا بعد مرور هاذي السنه لانها صرحت لي بحبها
لينا : وانت ماشاء الله عليك ياخويا صدقتها ؟
نايف : ليش ماصدقها وهيا صاحبة قلم شفاف وصادق تصوري ياليون كل حرف من خواطرها احس فيه وكل بيت من قصايدها اعيش جووي ..
لينا وبنبرة صراخ : من متى وريم تعرف تكتب خواطر واشعار اصلا ؟
استغرب نايف من صراخ اخته وسالها : انتي تعرفيها هاذي البنت ؟
لينا :ايوا اعرفها عز المعرفه ولعلمك هالبنت كذابه ونص اللي عندها بالايميل شباب وهيا تضيفهم عشان تضحك عليهم يعني بالعربي تتسلى
نايف بلحظة صدمه : لينا انتي اش تقولي ؟
لينا : والله باقول لك الحقيقه ريم ماعندها ميول للكتابه اصلا وكيف صارت تكتب اصلا ياخويا فووووق صح صح انتا عايش بوهم طوال عمرك
قام نايف وخرج من البيت من دون حتى اي كلمه

/
/

ريم ع الماسن تنتظر دخول احد ضحاياها عشان تمسكه تسليه وضحك بالمشاعر
رن جوال ريم وكان المتصل غلاهم وهو نايف
ريم : ياهلا بالنور اللي سطع بشاشة جوالي ..
نايف : لا هلا ولا مسهلا فيك اسمعي يابنت الناس تبين تضحكين علي عادي تبين تقولين انك كاتبه كمان عادي ترى مايهمني لكن انك تجرحين مشاعري
فهذا الشي مارضى فيه ابدا واللي كان بيني وبينك انسييه فاهمه انسييه نهائي
سكر نايف الخط وماعطى ريم اي فرصه عشان تتكلم او حتى تدافع عن نفسها
حاولت تتصل فيه الجوال مغلق ..
هنا ريم صابها قلق ليش نايف هزئها وليش اتكلم عليها وليش حتى ماعطها فرصه للكلام
فكرت ريم تتصل ع لينا عشان تشوف اش اللي حاصل ومنها تاخد اخبارها واخبار هجير الشوق ..
اتصلت الجوال برضه مغلق اتصلت ع البيت وردة ام لينا وبلغتها انو لينا نايمه .
هنا الشك دخل لقلب ريم واكيد لينا عندها خبر بانو خواطرها اتسرقت وانو هيا اللي سرقتها ..
فقررت تروح لبيت لينا ومن بكرة الصباح عشان تتاكد اش اللي صاير

/
/

لينا بعد الكلام اللي دار بينها وبين اخوها نايف قررت تمحي كل شي بايميلها وكل شي بيخص التسليه والشباب اللي عندها
ماتبغى تكون وحده سافله بنظر اخوها وامها واقاربها وكل اللي يحبوها
فتحت المسن لقت في الوارد رساله جاها فضول تفتحه فتحته ولقت :
[ كلامك سحرني مع انو الحوار بيننا كان قصير جدا اتمنى اشوفك مسن لاني احتمال اخر مره ادخله وابغى اتكلم معاك شويه يمكن ابغى اكتشف هوية صديقة العصفوره واللي اقتحمت ايميلي دون اذن مسبق انتظرك ]
لينا ابتسمت وقالت لنفسها انسان ساذج قال ينتظرني قال سامحني ياخويا راح امحيك من حياتي كلها
مسحت المسج وحذفت الايميل وبدأت لينا حياتها بعالم النت من جديد بقلب نظيف وواقعي

/
/

مازن جلس يفكر بقرار ابوه وجلس يفكر بشوق وجلس يفكر كيف يتزوج وحده وهو قلبه ماتعلق فيها
وجلس يفكر كيف ينسى اللي حبها وماقدر ينساها ولا مره في حياته من يوم ماكانت صغيره
جا في باله انو يروح لابوه ويقوله انه مايبغى شوق وانو في باله وحده ثانيه لكن كيف يقوله وابوه اعطى عمه محمد كلمه واعطاه خبر
حس نفسه مزنوق وقرر يفتح النت ويفتح المسن حقه لقى عنده مسج قلبه كان دليله فتح المسج ولقى :
[ كنت اتمنى ان الالتقاء يدوم طويلا ..
لكن للاسف لاظنه ان سيدوم
ارجو ان تقبل اسفي واعتذاري
فانني سارحل وساترك لك كلماتي هذه كاذكرى من اخت لك اعزتك كاخيها
قلت لي ان كلاماتي قد سحرتك فلا اخفيك فكلماتك ايضا قد سحرتني
وبرغم ان الحوار كان قصيرا لكنني احسست باننا قريبين من بعضنا البعض
سامحني ياهجير الشوق لن استطيع محادثتك لانني انثى لاطيق ان اعبث بمشاعر الاخرين
بوركت ووسهل لك الرحمن دروبك ]
قرى مازن المسج وصابه احباط وقرر يكمل مشواره بقرار زواجه من شوق
بعد هذا المسج قرر انه ينسى توبيك كان اسمه [ اوآآآهــ ياقلب ] من حياته نهائيا
قفل اللاب بعدها خرج من غرفته ومن البيت ككل وركب سيارته الجيب وقرر يسافر للجنوب يغير جو وينسى اللي حصله

/
/

يوم الثلاثاء الصباح رن تليفون البيت ردت ام نايف : الو
سعد : الو يام نايف شلونك وشلون نايف ولينا
ام نايف : بخير يابو مازن انت شلونك وشلون الاهل
سعد : بخير والحمد لله .. الا اقول يام نايف مازن مامركم البارح
ام نايف : لا والله يابو مازن خير عسى ماشر
سعد : الشر مايجيك وانا اخوك بس مالقيناه في البيت ومن البارح طلع ومارجع وامه قلقانه عليه لو مافي كلافه تقدرين تصحين نايف وتسالينه عنه
ام نايف : لا لاكلافه ولا شي ابشر اصحيه واخليه يدق عليك
سعد : ماتقصرين يام نايف انتظر اتصالك
ام نايف : ولا يهمك ياخوي ..
سعد : فمان الله
ام نايف : فمانه الكريم
طلعت ام نايف للدور الثاني عشان تصحي نايف خبطت على الباب وجلست تنادي : نايف يانايف قوم اصحي ياولدي واتصل على عمك سعد يبغاك ضروري
لكن ماحد بيرد عليها هنا خافت فتحت الباب ولقيت نايف مرمي ع الارض وحرارته مرتفعه وبيهلوس ومغمي عليه
هنا ام نايف ماتحملت وجلست تصارخ وتنادي ع لينا : يالينا الحقي اخوك اتصلي على عمك محمد وعمك سعد بسرعه
لينا سمعت صراخ امها صحيت مفجوعه وجريت تشوف اشبها ولقيتها حاضنه نايف وتحاول تصحيه لينا ماستوعبت الموقف لاشعوريا اتصلت على عمها محمد
وبلغته باللي حصل بعد ساعه جا عمها محمد وشال نايف ووداه المستشفى

دخل نايف ع الطوارىء كشفو عليه الدكاتره وقررو انو نايف بيمر بصدمه عصبيه وهاذا الشي سبب له حمى وهلوسه وحالة اغماء
هنا قررو يحطوه تحت العنايه المشدده حتى تخف حالته
بنفس الوقت اتصل محمد على اخوه سعد وبلغه وجا سعد بسرعه للمستشفى يشوف نايف ويتطمن عليه

/
/

لينا بتستنى اتصال من عمها وامها عندها بتبكي وتواسي نفسها
امس ابو نايف واليوم نايف
امس ابو نايف واليوم نايف
امس ابو نايف واليوم نايف
لينا بكيت من عبارات امها جلست تواسيها : يامي اصبري نايف طيب والله طيب ربي معاه ماراح يسيبه اتوكلي على ربي وربك يامي
قالتها لينا وهيا منهاره من امها ومن كلام امها اللي بيقطع القلب

/
/

رن تيلفون البيت لينا ردت : الو ياعمي طمني تكفى
ريم : هاي ليون انا ريم مو عمك خير اشبكم
لينا : هادا انتي انقلعي من حياتي ومن حياة نايف والله ياريم لو نايف اخويا صار له شي لاكون منهيه حياتك كلها فاهمه ياحقيره .. وتوت توت قفلت الخط بوجهها
ريم انصدمت من كلام لينا وحست انه في شي كبير وقررت تروح لبيتهم وتستفسر اشبهم ولبست عبايتها وخرجت
اتصل محمد ع البيت وردت عليه لينا وطمنها على نايف بس لازم يكون تحت الرعايه الطبيه لحد مابيخف
هنا لينا اتطمنت ع اخوها نايف وطمنت امها بس بنفس الوقت قررت تعاقب ريم ع اللي سوته فراحت دخلت غرفة نايف وجلست تتاملها وتتامل ضحكات اخوها
اللي دمرتها صاحبتها ريم بتسليتها وعبثها بمشاعر الاخرين
بنفس الوقت ضرب جرس البيت وفتحت الشغاله الباب ولقيت ريم قدامها ودخلتها
ريم : سيمواتي فين لينا روحي قولي لها انو ريم هنا
راحت الشغاله تنادي لينا وقالت لها انو ريم تحت
لينا طلع شرار من عيونها وقالت خلص روحي هيا جات برجلها ع هنا وجنت ع نفسها براقش هين ياريم الزفت اوريك انا
نزلت لينا وقابلت ريم

....