انا بكتب قصيدة حب اسميهـا واتمم لـه
واذا تسئل تبي اسمه صريح وضاع بالطوشه
تمنيت وتمنيت وحسدة وصـرت اترجملـه
معآنات ومزح عاشق ودار الحب مفروشـه
ياليتني قلم بيده تخطخط بي وانـا ارسملـه
ابي لاضاعت افكاره تعضعضني وانا نوشه
وحسدة اللي يونسهـا تحبـه او تبسـم لـه
وحتى كحله السايل ياحضه داعب رموشـه
فاذا كان الذهب عمله لاوالله انتـي العملـه
بعيني ولاني بسائل عن الصافي ومغشوشـه
انا كم للي على عهدك وكم للغلاء كـم لـه
منتي على خبري خفيفـه حيـل مربوشـه
ابي اقول لك كلمه دقايـق اسمـع الجملـه
عساها تلفت انظارك ولاهي فيـك منقوشـه
تكبّر والكبر لله ولا انا اصغر مـن النملـه
ولاانتي بعد اكبر مـن سليمـان وجيوشـه