/
/
ممكن تشوف الرسالة هذي واقراها .. وابيك
،،،،،،،،،، تعترف لي من كتبها؟ إنت ولاّ شخص ثاني
فيها مكتوب (اعشقك واشتاقلك واموت فيك
،،،،،،،،،، واوعدك إنّا نعيش لبعض باخلاص وتفـاني
وانّ مهما طال فيني الوقت .. اعينك واعتنيك
،،،،،،،،، ومستحيل اجرح شعورك يوم أو منّي تعاني
وانّ حتى لو تخلّوا عنْـك لحظه .. والديك
،،،،،،،،،، مستعدّ اعوّضك ياكل كلي من حناني
وانّ هذا القلب منْـك اوّله وآخرته إليك
،،،،،،،،،، فاعرف انّي لجل حبّـك بعت كل اللي شراني)
شفت هالأربع سطور اللي قريت بناظريك
،،،،،،،،،، هذي فحوى من رساله إنت كاتبها عشاني
إحتفظت بْـها زمان وقلت: بمْـسكها عليك
،،،،،،،،،، لجل ادينك لو تغيّـر هالكلام الأولاني
أذكر انّك قلت لي في وقتها: الله يهديك
،،،،،،،،،، يعني معقول اتغيّـر وانت قطعه من كياني
لا توسوس واحتويني كثر ماني محتـويك
،،،،،،،،، واترك الأقدار تثبت صدق ماقاله لساني
قلت: ماهيب وسوسه .. والود ودي ألتقيك
،،،،،،،،،، أربع وعشرين ساعه معك ما أبرح مكاني
بس اخاف انّي بدَل ما اشكي لك الجرح .. اشتكيك
،،،،،،،،،، وانت خابر وش يسوّي الجرح في وسط المحاني
قلت لي: لا لا .. تطمّـن .. ليش خوفك يعتريك
،،،،،،،،،، خلّ خوفك من جميع الناس وارقد في أماني
ومرت الأيام واحْـنا بين هذي .. وبين ذيك
،،،،،،،،،، إتصالات .. ولقاءات .. ومراسيل .. وأغاني
لين غبـْت بْـلا سبايب واستمريت احتريك
،،،،،،،،،، وعشت وهم اعانقك في كل لحظه من زماني
صرت اشوفك والْمـسَك من دون حتى ما أجيك
،،،،،،،،،، كلما طالعت لألبوم الصور .. بضعة ثواني
واشعر بإحساس يذبح جـِـد .. لكنّه يُـريك
،،،،،،،،،، إنّ أيّـة شيء مهما طال .. يبقى شيء فاني
مثل حبك .. قادني لمواجه الموت الوشيك
،،،،،،،،،، واكتشفت انّه سراب وحلم ضيّـع عنفواني
فْـليتني فيما مضى من عمر .. ماكنت ارتجيك
،،،،،،،،،، وليتني ماكنت احبّ بصدق .. وانّي "دنجواني"
إبتليت بعشقك .. الله مير جعله يبتليك
،،،،،،،،،، وانت ماقدّرت حتى تضحياتي .. يا أناني
شفت لك شوفه جديده وصار لك غيري .. شريك
،،،،،،،،،، وافترقنا .. وصرت انا مجني عليه وإنت جاني
إنصدمت وقمت اعيد الذاكره .. واقرا حكِـيك
،،،،،،،،،، واسأل حروف الرساله عنْـك .. معقوله نساني؟
قالت: اللي كان يكتبني ورماني في يديك
،،،،،،،،،، قبلها في يدين غيرك .. كان كاتبني ورماني
هذا واحد .. باع غيرك لجل يقدر يشتريك
،،،،،،،،،، مثل ما هالحين باعك لجل يشري شخص ثاني
العرض الشجري
