أفتش في جيوب الليل عن شمعة وحفنة نور
وادوّر في طريق الأمس عن لحظة من أيامي
مشيتك واكتشفت ان الطريق البارحه مكسور
مشيت الخوف والغام الظلام اتغازل أقدامي
حبيبي غصني اليابس فقد من لهفته عصفور
بنى عشه من أطيافك وربى فيه أحلامي
أنا لجلك حملت الصمت في رحم الكلام اشهور
رعيت الـ آآه في حلق الوجع وتنامت الآمي
ولد طفل الأمل يائس كأنه انولد مجبور
تربّى في وسط جرحي وعاش بضيعة أوهامي
يمر السيل من جنبه يسلّم يا " صباح البور "
يمر الغيم من فوقه يقول : أمسيت ياظامي !!!
على رف الغياب اسمك لقيته للوجع دستور
نفضته من غبار الذكريات وطاح قدامي
على كثر الهزايم والضحايا جيت لك منصور
على كثر الحطام اللي تناثر جيت بحطامي
وأنا أتضور ألم ، أنزف ندم ، واضمى فرح وسرور
تعبت أمشي تضاريس الحزن واجرجر اعظامي
حبيبي حطّـم ( أصنام الغياب ) وحرّر المأسور
وانا بدعي اللقا يرحم ، ويغفر جرحك الدامي
يبللني غيابك وانت لو ناشف لقا وحضور
تعال اشرب مطر عمري وجرّب جدول أحلامي
تعال أنفث تعاويذ المطر خل اليباس يغوووووور
دخيلك وحّـد أطرافي مدامي فيك مترامي !!
/
\
مـمـآ رأق لي</b>