،,
اليا متى وإحساس الأحباب .. مكبوت
والجرح يسكـن فالشفـاه إن قريتـك
أليا متـى نرسـل عصافيـر وكـروت
وتتفضـل الصدفـه علـي إن لقيتـك
مقطوع من شجرة مسانـا ومنحـوت
داخله قلب وغيمتيـن ... وسريتـك
ليل وقمر من قلة الوصـل ) معفـوت
وبكـل موضـع بالخيـال أحتريتـك
متى كلامك يلفظـه صـدرك الحـوت
ويذوب في شطك خجـل لا بتديتـك
يكفي تعيش الروح في جسـم تابـوت
يكفي أحس بخوووف لامـن حكيتـك
تعال كلي فقـر ... محتاجلـك قـوت
وإصرخ بوجه الجـوع لامـن نخيتـك
حنا بدو وأبسط عباراتنـا : فـوووت
بين الضلـوع وكنـه البيـت بيتـك
لـو المحبـه ساكنـه قلـب سربـوت
كان إرتكبت الذنب مـن دون ليتـك
لكن عشقتك طرحه وليـل وبشـوت
وبياضك أنصع من بيـاضٍ كسيتـك
وتعويذة البسمة على وجـه طاغـوت
ما تنولد مـن بيننـا ... لـو نسيتـك
تعال وإسكن مـن تناهيـدي بيـوت
وأبسط حقوقك لا وصلتـك وفيتـك
تعال سمّـع دنيتـي ضحكـة التـوت
والشهـد دمـك والبـراءه جكيتـك
تعال فينـي حـزن محتـاج للمـوت
تعـال دون الحلـم كانـي وعيـتـك
،
،
ولا جيت ... بطلب من تباريحنا سكوت
بذوق طعم الصمـت لامـن بكيتـك
،
،
العضو الأكثر نشاطاً هذا اليوم 
العرض الشجري
