أنا وهي من صغرنا نبني بيوت

مسائكم وصباحكم با الخير ,,

وانا الف لف في المنتديات شدتني قصيده وراقتلي حيل

فحبيت انقلها لكم وانشالله تعجبكم ..


~~~((( أنـــا وهــــي )))~~~


أنا وهي من صغرنا نبني بيوت000واليوم كلٍ صار بيته لحاله

هذا القهر هذا الذي جاب لي الموت000أقرب قريب وما بقلبه جماله

أصيح وأصرخ بس مايسمع الصوت000رد الجبل ولا الأمل ماطراله

حالي تقول ضميان خلوه مكفوت000يوم أنتصف بالبير قصوا أحباله

يالله يامن شلت يونس من الحوت000ترحم خفوقي من عذاب جراله

قالوا تنـبّـه قبل لا عمرك يفوت000وأقول وش لي بالعمر مع بداله