~* قـوانيـن جـديـده لمبـدعـي ومحبـي التصـويـر*~

السلام عليكم ورحمة الله وبركاتهـ ..

صبــاح ومســاء الــورد

حبايب اعضاء منتدانابعد حيي

وبالاخص رواد قسم التصوير الفوتوغرافي

يسعدني ويشرفني تواجدكم المستمر في القسم

وعشان يطلع القسم بصورة حلوة ونستمتع كلنا في القسم

ونستفيد ونفيد غيرنا بصورة محترمه

وناخد الاراء في صورنا ونعطي الاراء

لازم يكون في شوية قوانين
((نفس القوانين الاولى مع اشويه اضافات))

عشان القسم يسير بشكل منظم ومرتب

قوانين بسيطه وخفيفه وانشاءالله تلتزمو بيها

1-
الصور لازم تكون من تصوير العضو نفسو (يعني مهي صور منقولة )
لانو قسم مختص بتصوير الاعضاء واظهار ابداعتهم ..
ويستثنى من ذلك الصور الي تنحط للدروس ولتوضيح نوع معين من التصوير للاعضاء ..

2-
طبعن ما يحتاج نتطرق للصور المخلفة بالادب والشرع ..اختيار صور مناسبه ولائقه لعدم الاحراج

3-
طبعن الصور الي تنحط ممنوع تكون اعلان لموقع تاني سواء كان فيها رابط او شعار او
اي شي من دا القبيل ..

4-
اكيد القسم بدون مسابقات حيكون بارد ..
بس برضو ممنوع وضع اي مسابقة قبل التنسيق مع المشرفين والادارة ..

5-
عشان تخلي الاعضاء يدخلو موضوعك ويعطوك رأيهم في تصويرك ..
لازم يكون عنوان الموضوع واضح عشان لمن يدخل يعرف ايش بيشوف ..

6-
الي ينزل صورة من تصويرو من الافضل انو يكتب اسمو عليها ..
لان البعض ياخدو الصور و يقولو احنا صورناها و وقتها ماتقدر تعاتبو وتقول انتو الي مصورينها
فا عشان تحفظ صورك من السرقة حط اسمك عليها ..

7-
الحد المسموح موضوع لكل عضو في اليوم الواحد .. عشان نعطي فرصة لغيرنا ..
والي يحط اكتر من موضوع في يوم راح تنحذف ..

8-
الي ينقل درس من منتدى تاني لازم يكتب منقول .. مايسير نضيع تعب غيرنا ..

9-
كل انسان له قــدراتـو و امكـانيتـو في التصوير ..
عشان كدا لازم نحترم ونقدر الاعضاء الي يحطو مواضيع ..
ويكون الرد محترم وحتى لو كان نقد فا يكون باسلوب محترم ونقد هادف..
وتشجيع منكم لهم لي استمراريه التصوير

10-
اي سؤال او اي خدمة او اي مشكلة تسير في القسم .. الرجاء مراسة المشرفين او الادارة ..

11-
طبعن هادا القسم لكم وعشانكم ..
اي اقتراح لاترددو عندكم قسم الشكاوي وعندكم مشرفة القسم .. وكلنا آذان صاغية ..

-12
المواضيع المميزة راح نحط له استكر افضل موضوع او عدسه مميزة
والي يستحق التثبيت راح نثبته ثلاثه ايام.

اتمنى الكل يلتزم بالقوانين عشان يطلع القسم بالصورة المناسبة
وفي الاول وفي الاخير
القسم للجيمع فا لتزمو عشان نتستمتع
ويعطيكم الف عافيه