" البابلية "

اللـي يميّـز كوكـب الجاذبـيـه
الأكسجين ونعمة هطول الأمطـار
صنع الولي .. لاشك مافيـه زيـه
والكون عنده ( كلُ شيءٍ بمقدار )
الخلـق يبـدأ بأنقسـام الخلـيـه
ويمر في حالات توصف بالأطوار
ودنيا مراحل مـن نمـو الهويـه
طفل وشباب وشايب وطفل ختيار
لذا إنتشـار .. الكائنـات الحيـه
على بساط الأرض من نافع وضار
شرطٌ أساسـي لوجـود القضيـه
اللي طرفها القط .. والمدعي فـار
وأخر قضايانـا العـراق الأبيـه
خصيمنا واحـد وأحفـاده كثـار
يعني إذا فـي يـوم جتـه المنيـه
يموت شره وتارثه شلـة أشـرار
لا صار فيك الخوف كوّن سريـه
أبشرك بالخـزي والـذل والعـار
ولاصرت تخشى من دمار الشظيه
جتك الشظايا بعدها وانت محتـار
الله علـى التاريـخ .. يالبابليـه
من بعد مانتي دوم ترحل لك أنظار
صرتي دمار وساحتـك جرهديـه
عقب المعلق من حدايـق وآثـار
أهـدوك للكفـار كنـك سبـيـه
وباعوك خـوان الأمانـه بدينـار
رغم الذي حاصل ورغـم الأذيـه
نقول لله علم فـي سيـر الأقـدار
قانـون ربانـي وحكمـه خفيـه
تقول موت البعض للبعض إعمـار
بضرب مثل يمكـن يفيـد البريـه
في الجاذبيه وكيف هالآدمي طـار
فكرة ابن فرنـاس فكـره غبيـه
خلّت عقول الأذكياء تكشف اسرار
كيـف الحديـد يطيـر يالجاذبيـه
كذا أراد الله .. والعلـم إصـرار
والعبد راحـل والدقايـق مطيـه
والظافر اللي ماعلى وجهه غبـار
الله خلقنـا ثـم وصــى نبـيـه
إنه يبيّـن للبشـر كيـف تختـار
بين الطريق اللي لجنـه رضيـه

وبين الذي يوصِل بسالكـه للنـار
وانـا ونفسـي والخطايـا رهيّـه
وذنبي على كتفي .. وتثقلني أوزار
بجلس بظـل وبحكـر الشاذليـه
واقيم فرضي واتحصّن بالأذكـار
وديني بفضـل الله أغلـى هديـه
دامي موحّد .. باقي ذنوبي صغار
الله يـنـوّر ليـلـةٍ سـرمـديـه
وسط القبر ويوسعه مـدّ الأنظـار
والله يجازينـا بصحـبـة نبـيـه
في دار أخرى خير من هذي الدار

الشاعر- فهد الرشيد