لو يطيح الحطب .!

ودي أغنّيها غضـب

ودي أبكّيها رضـا

الليله إحساسي نضب

يكفيني أذكر ما مضى

.,

غريب ضايع من زمـن

يسكت ., إذا دار الكلام

أغلب حكاياته., حـزن

وأجمل صباحاته ., ظلام

.,

وقف ., وعكّازه هموم

وقف ., وعيا لا يميل

وإن طاح ما يقدر يقوم

الله ., يا صبر النخيل

.,’,.
.,’,.

ما طاح هم الليالي ., / لو يطيـح الحطـب

وأنا أغتسل عن غرامك ., /بالصبر والونيـن

كلمة أحبك صدى ., مردود كلمـة تعـب

حكاية ٍ ما تسولف غير .,/ دمـع و حنيـن

هذا المصير الكئيـب اللـي علـي أنكتـب

لوحة حزن غامقه ., /فيهـا عيـون ويديـن

مليت أناظر يميني وش خسـر وش كسـب

وتعبت أدوّر عذر ., / مل اليسـار اليميـن

رضيت أكون السلالم ., /ووصلك للسحب

تقطف من نجوم عمـري كـل شـي ٍ ثميـن

شفتك صغير وبريء وكان وقتـي صعـب

وعودت همـي لعينـك يختفـي مـا يبيـن

وخليت قلبي حديقـه ., /والمشاعـر لعـب

وكبرت فينـي وشفتـك ثالـث الوالديـن

لجلك ضحك قلب ما يضحك ورحب هدب

ولجلك رخصت الجواب وشلت لك كل سين

ما اظن عاشق عشق مثلـي ومثلـي وهـب

أصابعي شمـع والقاسـي عشانـك يليـن

وخسرت أجمل سنين العمر / وأنت السبـب

ومن صدمتي ما اصدق كل كلمـة خديـن

لكـن أبسئـل سـؤال ولا تظنـه عتـب

لو تعتذر لي .,/ بتقـدر تعتـذر للسنيـن ؟

وقّف ولا ترجي الرجعه .. ولو هي غصـب

ما جيت طالب هناي ولا رجيتـك ضنيـن

دام الذهب لو تردى وقت ., يبقـى ذهـب

شفت التجارب تبيّـن كـل معـدن دفيـن

غنيت لحن الشمـوخ ودمعتـي تنسحـب

وقررت أودع غرامك بـس فـي كلمتيـن

ما عاد فيني صبر., يابو الحسـب والنسـب

الله يسامحك ., والفرقا علـى القلـب ديـن

لكنّ قبـل المفـارق ودي اطلـب طلـب

عشان خاطـر هوانـا ., لا تقفـي حزيـن