مـآ أبي أحـد غيـرك يآخذني باأسم [ النصيب ] ~

مآآبي آحد غيرك يآخذني بآسم النصيب
طلبتك علشان اللي بيني وبينك لا يجيني ~ > هالغريب

[ تبي بنت خالك اهلا وسهلا , مآتبيهآ لااني امك ولا اعرفك ]


[لايكووون حآط عينك على غير بنت عمك ]

[ تبي تزوج ؟ عندك بنات عمك وش كثرهن ]


[ فلانه أنتي مخطوبه ؟ لا بس من يومي وانا لولد عمي اهلنا يقولون كيذا ]


[ ولد عمك مو موظف بس هو اولى من الغريب ]


العادات والتقاليد كثيررره بديرتنآ و اكثر شي منتشر هو (زواج الاقارب) , طبعا هي العاده المسيطره على مجتمعنا
دايمآ نسمع انو البنت لأبن عمها او لأبن خالها والولد ماله الا بنت عمه هو احق من الغريب !!!
هذي العادات كآنت من زمن اجدادنا وللحين مستمره فبعض الزواجآت نجحت وبعضهآ وبالذات فـ جيلنآ هذا فشششلت لانو مآفيها نوع من الانسجآم والحب , طبعا يعتبر عدم الانسجآم هو اكبر سبب لفششل الزواج ..


احبتي اختصرت المقدمه لنجعل البقيه من كلامنآ هو محور النقآش في هذا الموضوع


•• هل تفكير الاباء في السابق اكثر واقعيه ؟!

•• هل اصبح من المستحيل للشآب ان يختآر شريكة حيآته بنفسه حتى لو كآنت من غير الاقآرب ؟! ( والسؤال للبنت كذلك )

•• هل يعتبر عقوق للوالدين اذا مآاخذ الولد بنت خاله او عمه ؟!( والسؤال للبنت)


•• من برايكم الظالم والمظلوم في مثل هذه الزواجآت ؟!

•• هل اجبآري ان يكون بينهم انسجآم وحب من قبل الزواج ؟!


.

.



( بصراحـه بطلع الحره وابي اشوف منو اللي معآي ومنو اللي ضدي )


وان شاء الله الموضوع مو مكرر

اترك لكم المجآل , وانتظر تفآعلكم


.

الموضوع الأصلي: مـآ أبي أحـد غيـرك يآخذني باأسم [ النصيب ] ~ || الكاتب: الحل الصعب || المصدر: منتديات بعد حيي

www.b3b7.com

كلمات البحث

مواضيع اسلامية، مواضيع عامة، قصائد، هاكات ، استايلات