عزوفك ليه ياحرفي تعال وفجر الابيات
.تفجر لعنبو جدك ترا صبري طفح كيله
خذ ايامي من اولها مع الحاضر مع اللي فات
قل الفارس كسر سيفه قل الفارس قتل خيله
طموحي !! صاااح ينخاني وانا العاجز عن الفزعات
ياكيف افزع وانا همي رسم عمري على ليله
افا ما تنفع الليله ولاتنفع بي الشرهات
خلاص ارجوك تفهمني افا ماتنفع الليله
فدى ياقلب ياقلبي نعــيش او نعتبر اموات
ولا نبكي على وقتٍ ضحك فينا مهابيله
تعبت اليووم ياحرفي تعبت اكتب من النكبات
تعبت اشره على حظٍ طفت فيه كل قناديله
تعبت او طالبك تكفى تفضل واختم الابيات
او مع اخر بيت فجرها ترى صبري طفح كيله
العرض الشجري
