" خذني غلا "

السلام عليكم ورحمة الله وبركاته


مساء/صباح الخير
أخواني / أخواتي أعضاء بعد حيي؛
أقدم بين ايدكم هذه القصيده الجميله؛
قصيده غايه في الرومانسيه؛
لشاعر كبير غني عن تعريف فيعرفه الكثير.
ابدع بالوصف ..فحقق الابداع؛
قصيده حيل راقت لي ونقلتها لكم
خذني غلا

خذني غلا يا أصدق غلا بالوقت الأول والأخيـر
أبغاك تدرس حالتـي أول وأنـا أدرس حالتـك

حنا نفس واحد وروح وقلب وعيـون وضميـر
عدالتـي ظلمـك وظلمـي منتهـى عدالـتـك

يا بدري الطلّة ويا طلّتـك يـا البـدر
المنيـر ترى خسوف القمر بشـارة وصـول إطلالتـك

وإطلالتك عندي أنا تعنـي لـي الشـي الكثيـر
لا صارت عيوني على خـدك سحـآب وسالتـك

أوقف وأسميك الملك وشـوي أسميـك الأميـر
أخاف من سطـوة سمـوّك وأحتـرم جلالتـك

حبـك كبيـر وبالمقابـل قـدرك بقلبـي كبيـر
إحساسـي بمحبتـك وإحساسـي ب زمالـتـك

لا يضيق لك خاطر فديتك لو يصير اللي يصيـر
إن كان ما شالتك الأرض رموش عيني شالتـك

يا أترف مشاعر بالبشر يا أرق من لمس الحرير
ساعة زمن ممشاك من غرفتـك حتـي صالتـك

دلعك يثقل خطوتـك وأحيـان يمنعـك المسيـر
وأحيـان أشـك إن الدلـع سلالتـه سلالـتـك

يومك تعض شفيفتك وإصبعك ل عيوني يشيـر
وتقـول هـذي مالتـي وأقـول طبعـا مالتـك

تقولها وأعيش نشوتها وأحـس المـوت أخيـر
لا شفت موتي بين عقرب صـدرك وسلسالتـك

تدري لا شفت بيالتك بأطراف ثغـرك تستديـر
أضرب على صدري وأقول الحـظ حـظ بيالتـك

يا أصدق غلالا وأعذب غلا بالوقت الأول والاخير
هذي خلاصة حالتـي عطنـي خلاصـة حالتـك

للشاعر / مطلق النومسي؛