.. ~ إنعكاسات .. ذلك الماضي وهذا الحاضر ~ ..

السسسسسسسسسسسسسلام عليكم




حياتنا
وش هي حياتنا
وش الارض اللي حنا نعيش فيها
كورة ارضية .. دول .. مدن .. أحياء .. شوارع .. بيوت
تغيرات .. منعطفات .. ومايمنع بعد انك تطيح لك بجرف

دقيقه
يقال اننا شعب ذو الستايل القديم البدوي القروي
افا بس افا .. الحين سرعة النت عندنا وصلت فوق 20 ميقا .. وتقول ماتطورنا .. اص بس لاحد يسمعك


تخيل عزيزي القاريء شخص لابس جنز وشعره اشقر وعيونه زرق وطوله مترين ... اكيد وشي بديهي ان هالشخص موب سعودي .. ولايمت للسعوديه او الخليج بأي صله ( الا اذا كان مهجن فهذا شي ثاني )

من يسمع طاري السعوديه .. على طول يطري في باله .. بعير .. وبيت شعر .. وبدويه تخض لها لبن
افا بس افا
حنا تسذا

ياجوني ماتدري انه عندنا ناطحه سحاب صجو ام امنا فيها
وانت ياطوني ماتدري اننا نمشي بالشارع والعالم نص مقفاها طالع
يكفي بس انك لارحت للمطعم .. تطلب وانت جالس

بس وراه الغرب يشوفونا تسذا ؟؟



وبعضهم يشوفونا على اننا حنا الارهابيين المتشددين المتطرفين
واحداث 11 سبتمبر كانت شاهده على ذلك

وكان السعودي بالذات في وقتها لاسافر لامريكا او دولة ثانيه لعنوه لعن .. ومسحو بوجه البلاط .. وعقبن قالوا حالة اشتباه

وبصراحه ترى احداث 11 سبتمبر غيرت الكثير الكثير الكثير << وش الجديد

وحتى غيرت اشياء عندنا بالسعوديه

وصار عندنا شي اسمه هذا متشدد
وهذا علماني
وهذا ليبرالي
وهذا بنقالي

صدز .. ورا هالمصطلحات مابدت تنتشر الا بعد احداث 11 سبتمبر
من قبل مانعرف الا مسلم وكافر ومنافق بس

بس الحين الناس عندنا بدت تنقسم

والعلمانين صاروا يتهمون المطاوعة على انهم هم ورا عدم تطور هذا البلد من عدم سماح الانفتاح والاختلاط
والمطاوعة يتهمون ان العلمانين يحاولون هدم هذا البلد بافكارهم الهدامه
وحنا يالمواطنين البسطاء ماكلين تبن وضايعين بالطوشه بينهم





يعني هل حنا صدز تسذا
ولا اعلامنا المجتهد الغير مقصر ابدن ابدن ابدن ماعرف ينقل الصورة زين



الا صدز اعلامنا ورا مايتطور شوي ؟؟
لا لا معليش انا آسف .. اعلامنا احسسسن اعلام .. واطططلق تحيه لابو خوجه لايزعل علينا
يكفي انه غير مقدمة الاخبار .. وحط فواصل اعلانيه ( مشكله اللي يحتك بالـMBC ).. وحط مراسلين ولا اطلق منهم وماعندهم اسئلة الا متى تحب تنام .. هل انت مواظب بالحضور للدوام
تسننا ماعندنا مشاكل ابد ابد

( اتحداكم تعرفون كم مره قال وصل الفريق )






الا صدز وش الفرق بين القناة السعوديه الحين .. وقبل 15 سنه



المعادله بسيطه .. ومايبيلها تعقيد




سابقاً









حالياً









لكن المضمون .. ابد هو هو .. ماتغير
الا بعد الحين صار يسد النفس
على الاقل قبل فيه اشياء حلوه .. فيه اشياء توسع الصدر


وين الرجل الحديدي .. وين ماجد الشبل ومسابقات حروف .. وين ووين ووين
صدز انه اول كان يوسع الصدر ( لانه مافيه بديل ) بس على الاقل اول له طعم

اوما الحين شكلاً .. افضل من قبل .. مضموناً .. اسوأ واسوأ

تحيآآآآآآآآتي .. لكم ..
غروور طفل ..~ٍ]