|[ حكـايــات الحــزن ]|

ياحظي العاثـر كفايـه يالظـروف المجرمـه
.............................. إلى متى وأنا آنام الليـل ضايـق ومغبـون ؟
وإلى متى سود الليالي فـي القصيـد الملهمـه
........................... وإلى متى والصدر مسرح للخيانـه والطعـون
صرت أعتقد إن إبتسامـات الحيـاه محرمـه
........................... على ملامح وجه يزرعها فـرح شكـلٍ ولـون
على الوجيه اللي من صدوف الليالـي معتمـه
........................... ومن أجل بسمتها التعب في غايته دايـم يهـون
ولا أنت ياللي ما عبس حظه ولا الهـم لطمـه
............................... طلبتني أكتب حـزن وأنـا لطلباتـك حنـون
كانك تحب أرسم حزن مافيـه داعـي أرسمـه
.............................. رح لليمين وناظر الصوره وركـز عالعيـون
وكانك تحب أكتب حزن أخاف تصبح ملحمـه
.............................. يبكي قساها كـل غالـي والعـواذل يعرفـون
جرحٍ حلفت أوفي بعهدي وأحتفظ بـه وأكتمـه
.............................. لني أموت ولا نكثت العهد لو غيـري يخـون
نعم أنا دفتر حزن غدر الزمـن صـار قلمـه
.......................... لكن سطوري ما فهمها اللي على روحي يمـون
فان كنت تبغى للحزن فيني اختصار وترجمـه
......................... أعمق حكايات الحزن في صورتي تحت الجفون



(( آتمنىآ تعجبكــم ))