جتنــي تمـد كفوفهـا

[align=center][table1="width:95%;background-color:black;"][cell="filter:;"][align=center]




جتني تمد كفوفها .. متعطـرة شـوق وحنيـن
..................متعطرة شوق وغـلا .. جتنـي تمـد كفوفهـا
جتني تماشي طفلها .. تمشـي وراه بخطوتيـن
..................طفلا عرفني وأعرفه ( عشنا سوا في جوفهـا )
جتني نهايـات أرملـة شبابهـا مـن فترتيـن
..................فترة عطتنيها أنـا .. وفتـرة خذتهـا ظروفهـا
في عيونها نظرة .. وله .. و في قلبها نبرة أنين
..................وفي خدها سيرة نهر .. ودموعها مـا أشوفهـا
جتني وهي متندمة .. ومتأسفة .. من غلطتيـن
..................لا علمتنـي بوعدهـا .. ولا غيـرت نفنوفهـا
معها الغرام .. اللي بقى عايش على طول السنين
..................ومعها الهيام .. اللي سرى بعيونها عن خوفهـا
وكأنها قالـت عـذر يـوم أشـرت بالحاجبيـن
..................عذرا على أحكام القدر .. وعذرا بعد معروفهـا
همّيت أعانقها وأنا في نشـوة الشـوق الدفيـن
..................ترجف ذراعيني .. وله .. تبـي تضـم كتوفهـا
وكادت تعانقني فرح .. وتفرج عن الحلم السجين
..................وتنهدت مـع كلمـة ضاعـت علـيْ حروفهـا
كدنا نمـارس حبنـا علـى رصيـف العابريـن
..................بعد انتهى كل الأمل .. لا تشوفنـي ولا أشوفهـا
لكننـا مـن بعضنـا باقـي لا زلنـا مستيحـن
..................منذوا الطفولة في حياء .. لا تحوفني ولا حوفها
يا نبضت القلب الشقي .. يا طيحت الحظ اللعيـن
..................عقب الغياب الغائبة .. مـرت علـى ملهوفهـا
جتني زيارة ورحلت .. وكـل الزيـارة لحظتيـن
..................لحظة عطتنيها أنا .. ولحظـة خذتهـا ظروفهـا
[/align][/cell][/table1][/align]