{{ ديوان الشاعر \ محمد العواد }}

منبع الذوق

http://www.b3b7.com/vb/showthread.php?t=73776

[poem=font=",6,purple,normal,normal" bkcolor="transparent" bkimage="" border="none,4," type=1 line=0 align=center use=ex num="0,black""]

مـادام قلبـي ماتعّلـق بمخـلـوق=
امكن عليه اسكن بوسطـه لحالـك
اجلـس بقلبـي لاتعـداه لعـروق=
يارو ح روح الروح روحي فدى لك
وان كان ماهزك لنا دافـع الشـوق=
ياحظ منهو ساكن(ن) فـي خيالـك
قلبي بعد فرقاك ضايـع ومسـروق=
يبكي على شوفتـك والا وصالـك
يامنبـع الاخـلاق يامنبـع الـذوق=
تظهر وصوف الزين لي من خلالك
جمر الغضى بشفاك والموت بالموق=
ياروعة الاسلوب روحـي حلالـك
يازين قلبي من سبايبـك محـروق=
يبيك مُلك(ن)لي لحالـي وانـا لـك
تتوق روحي لك وقلبي لـك يتـوق=
وحتى خيالي تاق لك ويعنـى لـك
رغم المسافات الطويلات والعـوق=
امشي على شانـك دروب المهالـك
واغار لامنـك تمشيـت بالسـوق=
خايف عيون الناس سهمـه ينالـك


[/poem]